Latest News

|angkai zawka bawlhhlawh sawngbawl dan zirhona Serchhip-ah neih a ni.

UD&PA Department buatsaihin nimin Sept. 2, 2014 khan Serchhip-ah \angkai zawka bawlhhlawh sawngbawl dan tur chung-chang zirhona neih a ni a, Serchhip khawtlang hruaitute an tel \ha hle a ni.
UD&PA Department buatsaih ‘One Day Workshop on Solid Waste Management (SWM)’ hi Serchhip DC’s Conference Hall-ah neih niin District Bawrhsap, Pi Juhi Mukherjee, IAS chuan he hun hi hmanpuiin bawlhhlawh/hnawmhnawk kan tih te hi mipui kan pun zel avang leh hmasawnna hrang hrang avanga khawpui \hang zelah a pung ve zel tih sawiin, keimahni chunga harsatna min thlen let lo tur zawnga kan sawngbawl thiam chu a pawimawh thu leh hmundang ah te chuan harsatna nasa tak a lo thlen tawh \hin thu a sawi a. Tlangrama cheng kan nih bakah ramngaw leh sik leh sa nuam tak kan neih thu sawiin, heng tichhe lo zawng tura bawlhhlawh sawngbawl kan thiam hi tun a\anga a pawimawh thu sawiin, khawtlang hruaitu leh tlawmngai pawl hruaitu kalkhawmte chu an mawhphurhna a ngai a hmahruai tura inbuatsaih turin a ngen nghal bawk.
    He Workshop hi Pu Zorammuana, MCS, Director, UD&PA Department chuan kaihruaiin bawlhhawh/hnawmhnawk kan tih te hi chi hrang hranga thliarin a tam zawk hi chu la hman \angkai theih a nih thu a sawi a, a sawngbawl hautak silova hlawk taka kan hman \angkai theih dan inzirtir hi a pawimawh a ni, a ti a, bawlhhlawh hi sumchang thlai-ah a chhuah theih ani tih kan hriat a pawimawh a ni, a ti bawk. He hunah hian bawlhhlawh sawngbawl dan hrang hrang zirho niin khawpuia hlawm lian taka bawlhhlawh sawngbawl chu senso a tam avang leh mipui, a chhawrtu tana harsatna a awm \hin thu leh hei vang hian hlawm te zawka sawngbawlna neih a pawimawh thu te, bawlhhlawh kan tih ah hian hralhchhawn leh theih tam tak a awm thu leh chung lakchhuah hnua hman tlakloh te chu leivung nen chawhpawlha zawl siamna atana hman theih a nih thu te tarlan niin changpat hmanga bawlhhlawh a\anga lei\ha siam dan te pawh zirho a ni. He hunah hian Serchhip a VC, YMA, MHIP leh MUP aiawh bakah College leh Thenzawl-a Police Training School aiawhte telin hetianga a hlawma bawlhhlawh sawngbawl thei tura beisei te hnenah bul \anna tur sum pein Pilot Project kalpui nghal tura ruahman a ni bawk.

Comments

Popular News (Last 30 Days)