Sumdawng mi bum thin a puh hnamdang 4 man

East Lungdar Branch YMA leh VC te chuan sumdawnna a mi bum \hin nia hriat mi 4 te chu Pathianni (Sept. 7, 2014) khan manin nimin khan chhuah leh an ni.

East Lungdar a\anga thudawn danin heng hnamdang (vai) 4, Uttar Pradesh a\anga lo kal nia insawi te hian tunhnai khan East Lungdar khua-ah hian bungrua a thil bal kai tihrehna nia sawi, Bur-a dah chu zuarin mi \henkhat chuan Rs. 100-300 vel te in an lei a. Amaherawh chu heng thil leitute hian an beisei ang a lo nih leh si loh avangin VC leh YMA hruaitute hrilhin VC leh YMA te hian Inrinni a\ang khan an chhui \an a. Pathianni khan an thlenna (Tourist Lodge) ah kalchilhin an thil hi zuar zui lo tura an tih bakah a sample te enfiahin, heng mite hian Zo-Aqua (Tui) bottle te chu leiin, damdawi enge tih hriat loh a phut var leh Vur siamna rawng chu telhin damdawi te hi a sen leh a eng in an siam tih hmuhchhuah a ni a, heng an damdawi siam ah hian company Label tur siamsa an ken (Sticker a lehlam ban) chu an belchawp \hin a ni. Heng mi 4 te hi YMA leh VC te hian man nghalin North Vanlaiphai Police kutah hlan an tum a, amaherawh chu an biak pawh theihloh avangin nimin (Sept. 8, 2014) khan Mizoram-a thil zuar zui tawhlo tura vaukhan an nih hnuah an chhuah zui ta a ni. Heng mite kut a\ang hian Tui an siam danglam tawh bakah la siamloh leh damdawi pawlh tur bakah Sticker \hahnem tak an man bawk a ni.