Serchhip khawtlang mamawh Chief Minister hnenah thlen.

/
Serchhip District NGO Coordination Committee chuan niminpiah (Sept. 4, 2014) khan Chief Minister Pu Lal Thanhawla chu a pisa-ah kawmin Serchhip khawtlang thil pawimawh hrang hrang an thlen.
Serchhip District NGO Coordination Committee in Chief Minister hnenah an thlen zingah hian Serchhip Chanmari Vengthar-a Nursing School sak mek chawlhsan lailawk chungchang leh chhunzawm leh thuai an duh thu te, Serchhip-a Hall, Auditorium leh Sports Complex sak mek chak zawka kalpui an duh thu te leh Serchhip Damdawi Ina Gynae Doctor awmlo chungchang te a tel a. Chief Minsiter chuan Nursing School sak mek chungchang chu karleh Thawh\anni-ah Chief Secretary leh Health Department hotute nen sawiho an tum thu NGO hruaitute hi lo hrilhin, Serchhip-a Sports Complex leh Hall engemaw zat sak mek chu chungchang ah UD&PA Minister, Pu Zodintluanga chu phone nghalin thil awm dan a zawtfiah nghal a, Pu Zodintluanga chuan Town & Country Planning Wing miten hna an vil reng dawn avangin hna chak zawka thawh theih a nih tur thu Chief Minister hi a rawn hrilh nghal bawk a ni.
    Serchhip District NGO Coordination Committee (SDCC) hian Serchhip-a District Employment Exchange neih ve an duh thu pawh Chief Minister hnenah hian thlenin Chief Minister chuan a lo en zui tur thu leh thil harsa nia a hriat loh thu a sawi a. Serchhip a hmeichhe lam thiam bik Gynae Doctor awm loh avanga harsatna chungchang chu Doctor indaihloh avanga chinfel mai theih a nih loh thu sawiin, Aizawl a\angin hmeichhe lam bik te inentirna hun Mobile Clinic chu District khawpuia Doctor indaihlohnaah te neih tura ruahman a nih thu leh hetianga tih dawn \umah chuan khawtlang hruaitute hriattir hmasak tum a nih thu a sawi a. Govt HSS Serchhip-a Lecturer pakhat sawnchhuah hmun ruak hnawhkhat turin zirlai tlem zawk awmna leh Lecturer indaih zawkna khawdanga HSS ami te nen siamrem a nih theih nana ruahmanna siam turin Education Minister chu a hrilh nghal a. Serchhipa Assam Rifles ram chu Aizawl ami ang bawkin suanchhuak a khawpui pawn hmun rem changa sawn tum a nih thu leh, heta tan hian Assam Rifles DG pawh a biak tawh thu leh an awmna tur ram ngaihtuahran a \ul thu te a sawi bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »