Latest News

Kumin ah mahni intihlum mi 45 chhinchhiah tawh

Mizoram Police (Crime Branch) in an chhinchhiahna a\anga a lan danin kumin January a\anga August thla thleng khan Mizoram-ah mahni intihlum 45 an awm tawh.
He thu hi Pachhunga University College-a Psychology Department-in chanchinbumite tana mahni intihhlum ven dan zirna nimin a Aizawl a an buatsaih ah tarlan a ni a, he huna tarlan a nih dan chuan kumin (2014) August thla thleng hian Mizoram-ah mahni intihlum mi 45 awm tawhin kum 2013 kha mi 81 an intihlum a, 2012-ah 91, 2011-ah 89, 2010-ah 76, 2009-ah 62, 2008-ah 47 an intihlum niin Police Department hian an tarlang a. Hetihlai hian North East News Agency-in a tarlan dan chuan kumin chhung hian Mi-zoram-ah mi 53 aia tam an intihlum tawh tih he hunah hian tarlan a ni bawk.
    He zirhona hmanpuitu Dr. K. Ropari, Project Director, National Health Mission chuan mahni intihhlum (suicide) hi natna a ni tih sawiin, tihdam theih a nih thu leh tihdam tam tak an awm tawh tih a sawi a. Mahni intihhlum chu chhan hrang hrang pawh nise, natna a nih avangin tihdam theih a nih thu a sawi bawk a ni. He zirhona hunah hian Mizoram hmun hrang hrang a\angin thuthar thehdarhtu \hahnem tak telin Pachhunga University College-a mi-thiam ten thupui hrang hrang hmanga zirtirna pein he huna thu sawitute chuan India ram danah mahni intihhlum chu criminal case a nih thu leh, inthah tum reng reng chu kum lung In 1 tan leh pawisa chawitir bakah a pahnih a hrem kawp theih an nih thu te pawh an sawilang bawk a ni.

Comments

Popular News (Last 30 Days)