Latest News

Puitling ten ziak leh chhiar an thiam nan \an lak \ul ti

Education Minister, Pu H. Rohluna chuan Mizoram khawthlang leh chhimlam ah puitling ziak leh chhiar thiamlo ten an thiam theih nan \an lak a ngai a ni, a ti.
Mizoram-a SSA hnuaia hnathawk inzawmkhawm SSA Employees’ Association, Mizoram (SEAM) General Conference vawi 1-na nimin a Aizawl-a Chanmari YMA Hall-a neih a hman-puina ah he thu hi sawiin Education Minister chuan ziak leh chhiar thiam lamah Mizoram dinhmun chu pahnihna a\anga pathumna a a tlak thlak thu a sawi a, Adult Literacy lamah a bik takin Mizoram khawthlang leh chhim lamah te beihpui thlak a ngaih thu leh heng hmuna awm zirtirtute hian hei hi an mawh ah la ve a, ziak leh chhiar thiam lo te thiam tir turin theihtawp chhuah ve thei se a duh thu a sawi a. Zirtirtu indaihlohna chu sorkarin a hria a, sum harsatna tam tak karah pawh zirtirtu lak a kalpui a, mahse hengte hi vawilehkhata thil tih theih anih loh thu leh MPSC kaltlanga lak turte an nih avangin hun a duh rei deuh hlek thu a sawi bawk.
    Hei bakah hian Pu H. Rohluna chuan SSA kaltlanga hmalakna hrang hrangin Mizorama zirna a phuhruk thu leh a tih changtlun thu a sawi a, SSA hnuai thawkte chu an thawhna hmun \heuh ah missionary rilru pu a, rinawmna nen zirtir hna chu an rawngbawlna a ngai a an mawhphurna chu hlenchhuak \hin turin a fuih a. |hahnem ngai taka thawk tam tak an awm laiin mahni thawhna hmuna awm \halo engemaw zat an awm thusawiin, rinawm taka thawk \ha te thlavang sorkarin a hauh dawn thu leh thawk \halo erawh chu sorkar chuan a dim dawn loh thu a sawi bawk. SSA Mizoram hnuaiah hian thawktu 5000 vel an awm mek a ni.

Comments

Popular News (Last 30 Days)