Darzo kai-a lei dawh zawhfel ngiatin Total Bandh neih a ni.

Mizoram chhimlam a Chhimtuipui lui, Darzo kai-a lei dawh mek chu zawhfel thuai phutin nimin zing dar 12:00 a\ang khan Total Bandh neih a ni.

He Total Bandh hi South Vanlaiphai Group YMA leh Sangau Sub-Hqrs. YLA huamchhunga tlawmngai pawl hrang hrangte huaihawta neih niin darkar 24 awh tura ruahman a ni a. Total Bandh neih tur a nih avang hian niminpiah khan Mizoram sorkar aiawhin Lunglei-a PWD EE leh SDO leh Sangau leh South Vanlaiphai NGO aiawhte hi Tuipui‘D’ ah an inbia a, amaherawh chu inremna an neih theihloh avangin Total Bandh hi kaltlangpui a ni ta a ni. Chhimtuipui lui, Darzo kai-a lei dawh hi Rs. 2,52,75,500/- senga siam tur niin thla 12 chhunga zofel tura tih a ni a, Dt. 19.11.2012 khan hna \an niin ni 18.11.2013 khan zofel tura ruahman ni mah se tun thlengin zawhfel ala ni lo a, zawh hun tur hi \um 3 sawn ni tawhin helai lui kaina atana Marboat an hman \hin chu a chhiat bawk si avangin mipui ten harsatna an tawk nasa hle nia sawi a ni a. He Lei dawh hna hi M/S Guha Niyogi & Associates, Kolkata in thawkin Contractor hnenah hian cheng nuai 212.179 pekchhuah tawh a ni a, tunah hian cheng nuai 40 chauh hnathawhna atan sum lak tur an nei tawh a ni. He lei dawh mek hi meter 2.70 a zau leh meter 200 a thui tur a ni. Total Bandh huaihawttute chuan he Total Bandh hian awmzia a neilo a, September thla chhunga Lei hi dawh zawh a nih loh chuan Oct. 1, 2014 a\angin tiamchin awm lovin YLA Sub-Hqrs. Sangau leh Group YMA South Vanlaiphai huam-chhunga Sorkar Pisa leh Zirna In te khar an tum bawk a ni.