ZNP |halai in Police Check Post sak sawifiah.

ZNP Gen. Hqrs. in Thingsai-a BADP sum cheng nuai 10 senga Police Check post tur sak chungchanga thuchhuah, Aug. 29, 2014-a an siam tawh chu ZNP |halaite chuan chiang zawkin an sawifiah.

Hemi chungchanga ZNP |halai ten thuchhuah an siam ah chuan Thingsai-a Police Check post tur satu contractor te chu Martin Lalhriatpuia, Luangmual leh Lalthanmawia te an nih thu leh a sakna tur estimate cheng nuai 10 a\angin nuai 6 an lak tawh thu an sawi a. Building hi a chhiat em avang leh design anga sak a nih loh avangin Thingsai khawtlang pawhin nasa taka an sawisel thu leh he hna enkawltu J. Vanlalruata J.E phei chuan a sawisel nasat avangin West Bunghmun, Lunglei District BDO Office-ah an sawn phah nghe nghe niin an tarlang bawk a.
    Hetianga contractor hnatawk \halo thlavang hauh avanga hna enkawltu J. Vanlalruata J.E sawnchhuah ani ta mai chu mak an ti hle tih pawh tarlangin, he hna kaihhnawih Department pahnih Home Department leh BADP sum enkawltu R.D Department changtu Minister, Pu R. Lalzirliana hian man\ang a ei ve vang ni ngeiin an ngai tih an thuchhuah ah chuan an tarlang bawk. Hemi hmalam Aug. 30, 2014 khan ZNP Gen. Hqrs. chuan thuchhuah siamin Thingsai Police Check gate Duty turte tana Police Quarter Type-II sak zawh hlim chu luah tlak loha sak a nih thu an lo sawi tawh a. He Police Quarters hi Estimate-ah mi 7 mut theihna tur a nih laiin mi 2 pawh mut theih a nihloh thu te, Sitting Room, Bed room, inthiarna leh Ventilation awm tur anih laiin a awmlo nia tarlangin, Kawngkharpui 2 awm turah pakhat chauh leh tukverh 9 awm turah 1 a awm niin an tarlang bawk a ni.