Gauhati High Court in EVM chungchanga Petition thehluh hnawlin EVM check \ul a ti lo.

Gauhati High Court, Aizawl Bench chuan MNF MLA candidate \henkhatin Electronic Voting Machine (EVM) chungchanga Petition an thehluh chu ‘Innghahna tur a awmlo a ni,’ tiin EVM pawh check chian a ngai lo a ni, a ti.

MNF in Gauhati High Court, Aizawl Bench-a Petition an thehluh chungchangah hian Inrinni, Sept. 6, 2014 khan Justice Ujjal Bhuyan chuan thutlukna siamin 'Election petition thehluh reng reng chuan thu belhchian leh rintlak a kengtel tur a ni a, thu thehluh reng reng pawh rinthu emaw thil ni thei tura innghat ni lovin a chiang fak tur a ni,' a ti a. 'MNF candidate te hian case an file na ah hian EVM hi khawih chingpen ngei a ni tihchianna turin Court ah hmanrua (material set) engmah thehluh tur an nei lo a ni' a ti bawk. MNF ten EVM enchian an phut chungchang ah pawh Court chuan, 'EVM hi check chian a ngai lo a. He petition hi section 82 of Representation of People Act kalh anih avangin tihtawp (dismiss) a ni' a ti bawk. Kum 2013 MLA inthlanpui a EVM te chu a dik tawklo a ni tiin MNF MLA candidate 23 te chuan High Court ah petition an thehlut a, tun \umah hian Court hian candidate 11 te thuremna a tichhuak a, midang 12 te hi Judge dangin an chungchang a rel veleh dawn a ni. Thudawn danin mi 12 te chungchang ngaihtuahtu tur Judge hi September 15 a\ang hian thu \anin case hi a ngaihtuah dawn a, dan tlangpui ah chuan Judge hmasa te thuremna kalh zawngin thutlukna an siam ngai lo a ni. EVM chung-changah hian MNF lam chuan Ukil ah C. Lalramzauva an hmang a, Congress MLA te hian Ukil ah C. Lalsawirema an hmang thung a ni.
    Hetihlai hian Inrinni vek khan MNF chuan thu-chhuah siam nghalin EVM chungchanga thutlukna hian thiamloh an chang tih a kawklo tih an tarlang a. He an thuchhuah ah hian Gauhati High Court (Aizawl Bench) thutlukna ah chuan an zualkona chu writ petition emaw PIL emaw-a kalpui tur leh zualkona zawng zawk mai turin thurawn a pe a an hriat thu an sawi a, Inthlan thilah Court lam chu a inrawlh lemlo tura beisei a nih avangin election result kha khawih chingpen a nih leh nih loh a ti chiang thei bik tak tak lo, tih an sawi a, hei vang hian mipui Court-ah tunge thiam chang tiin, hma lam pen zel an tum tih an tarlang bawk a ni.