Govt. Serchhip College-a IGNOU Study Centre in Induction-cum-Admission Drive an buatsaih.

Govt. Serchhip College-a IGNOU Study Centre-1914 chuan nimin Sept. 23, 2014 khan IGNOU Induction-Cum-Admission Drive an nei a, District Bawrhsap, Pi Juhi Mukherjee, IAS chuan a hmanpui a ni.

Govt. Serchhip College IGNOU Study Centre-1914 in Induction Cum Admission Drive, Govt. Serchhip College-a an buatsaih ah hian District Bawrhsap, Pi Juhi Mukherjee chuan mihringte puitlinna kawnga min hruaitu ber chu zirna a ni tih sawiin, chu kawng zawh thei tura Serchhip a IGNOU Study Centre a awm chu Serchhip District tan vanneihna a nih thu a sawi a. Mi tam takin an hnathawh avang leh Cource duh ang thlan tur awm loh avang te in zirna kalphung pangngai a chhunzawm lo fo \hin tih sawiin, chungte tana IGNOU in Cource \ha tak tak a rawn chhawpchhuak chu lawmawm a tih thu a sawi a, IGNOU in ram mipuite zirna lama hmasawnna tur a kawng awlsam zawk leh hmachhawp \ha tak a buatsaih chu hmang \angkai a hlawhtlinna nei ngei turin IGNOU hnuaia zirlaite chu duhsakna a hlan bawk. Nimin a he hun hmanna ah hian Khualzahawm Dr. SR. Zonunthara, Regional Director, IGNOU Aizawl chuan IGNOU Cource kalphung sawifiahin, University danga eng degree zir tan pawh Certificate Course zir theih a nih thu leh, Degree belhchhah tu atan a hmang thiam turin zirlaite chu a chah bawk.
    IGNOU Study Centre-1914 in nimin a Induction cum Admission Drive programme an hman hi District Coordinator, Pi K. Laldinpuii chuan kaihruaiin Serchhip khawpui chhung bakah Serchhip District chhung khaw hrang hrang a\anga IGNOU zirlaite \hahnem tak tel a, he hunah hian zirlai thar 238 lawmluh an ni. Indira Gandhi National Open University (IGNOU) hi kum 1985 a\anga din \an niin India ram chhung hmun hrang hrangah Study Centre tam tak a nei mek a, Serchhip IGNOU Study Centre hi Study Centre -1914- na a ni.