Latest News

Party 2 in EVm chungchanga thuchhuah siam

MNF President Pu Zoramthanga chuan EVM chungchanga Gauhati High Court-a Petition an thehluh-a thutlukna chungchangah PIL/Writ Petition an thehlut dawn nge, mipui kutthlak an nghak dawn tih an la sawi thei rihlo tih a sawi.
Nimin Sept. 8, 2014-a Aizawl-a an party Office, Mizo Hnam Run-a inkhawm ah he thu hi sawiin Pu Zoramthanga chuan MNF in Petition an thehluh chhan chu Postal Ballot/Service vote-a chak chu chak tura ngaih \hin kha a dik loh nasat lutuk avang leh hei vang hian Vote tla chhiar \hat leh an phut tih sawiin, amaherawh chu Election Petition hi Representation People’s Act 1951 in a sawi, Election a dik lohna finfiah tawhsa (Evidence) chauh ngaihtuah theih a lo ni si niin a sawi a. ‘Democracy hmanga roreltu kan thlante rinhlelhawm miah lova mipuiten kan pawm theih tura EVM/VVPAT te vote hmuhchhuah hi finfiah tur chuan PIL emaw, Writ-Petition thehluh a ngai tih hi High Court thuneitute pawhin an sawi dan a ni,’ a ti. Hei bakah hian Pu Zoramthanga chuan High Court in thutlukna bial 12-ah ala siamloh thu leh Judgement hmasa copy pawh an Ukil in ala dawn loh thu sawiin, hei vang hian enge an la tih zel tur sawi theih a nilo tih a sawi bawk.
S Hetihlai hian Mizoram Pradesh Congress Committee (MPCC) Media Cell chuan nimin vek khan thuchhuah siamin MNF Party hi Mizoram Party zinga inthlana chak loh thiam lo ber ah an puh a. He an thuchhuah siamah hian MNF MLA candidate 23 ten nikum Assembly inthlanah EVM khawih ching-pen nia hriain vote chhiar nawn ngiatin Gauhati High Court-ah an zualko tih tarlangin, High Court chuan MNF MLA candidate-te dilna hi ngaihtuah atan alo pawm avangin MNF Party chuan “Vote chhiar that a ni dawn” tiin mipui ah dawt an thehdarh nghal pang niin an tarlang a, amaherawh chu Court chuan a hnawl a ni ta ber nia tarlangin, hetia State-a Court sang berin thutlukna a siam takah chuan MNF Party chuan “Mipui Court” an sawi rik leh tak thu leh an chau chalchang thawm pawh a ring ta vak lo niin an tarlang a.
    Chak loh apianga Ballot box/EVM sawisel a, chak apianga ngawi leh hmak \hin ah MNF chu puhin, ‘Dawt a mipui bum hi tum tawh lovin an nihna tak inhmu chiang hle tawh se’ tih chu an duhdan a nih thu leh tun chinah chuan an chak lohna pawm thiam turin a duh tak meuh tih tarlangin, ‘Congress Party hi entawn tur kan awm reng a ni tih MPCC chuan a hriattir bawk,’ an ti a ni.

Comments

Popular News (Last 30 Days)