MZP in Pangtlang khua VC hran pek dodal zel tum

MZP Hqrs. Lunglei chuan Pangtlang khua in VC hran an ngiat chu \ha lo tiin a tawp thlenga dodal zel nise \ha an ti.

MZP Hqrs. Lunglei hian nimin Sept. 2, 2014 khan MZP Pisa Pui Lung-lei-ah Executive Meeting neiin he hun ah hian an hruaitu ten Aug. 30, 2014-a Pangtlang-ah kala an zirchianna an thlirho a. Pangtlang khuain In 60 anga an inchhal chu thu belhchian dawllo a nih thu leh, School leh Biak In chhiar tel vek pawhin In 50 bak a dinglo nia sawiin, In ding zingah pawh chhuahsan tawh te, Pem lehkha leh lehkha pawi-mawh dang nei mumallo an awm nual thu te tarlangin, an hruaitute hi Pangtlang khuaa In tinah leng lutin Voters ID nei te chuan Voters ID te lo hmuhin, Voters ID neilo engemaw zat an awm bakah an Ration Card leh Voters ID a an kum zat inziak in thlau uchuak lutuk an tam hle nia sawiin, kum upa tak tak, kum 2007 a Electoral Roll a chuang ve chauh te an awm bawk niin an sawi a ni. Tin, MZP hruaitute chuan Pangtlang Village Development Committee hruaitute pawh titi puiin an khua chu VC hran nilo mahse Village Development Committee an neih tho avang leh NREGS pawh Putlungasih VC in khawihpui miah lo a an kuta a luh vek tho avangin VC hran neih kher chu thil \ul ber nia an hriat loh thu an sawipui bawk a ni.
    MZP Hqrs. Lunglei chuan a hmun ngeiah kala thil awmdan zirchianga an ngaihtuah hnuah Pangtlang khua in VC hran an dilna chu pawmpui lo turin Sorkar thuneitute a ngen tak meuh meuh tih an sawi a, VC hran an neih chuan Chakma foreigners ten Electoral Roll a chuan theihna hun remchang an ngah sawt dawn nia nia an hriat thu an sawi bawk.