Aizawl Capital Expansion Project chhunzawm loh vang ah puh.

MPC party Consultant, Pu KL. Lianchia chuan Aizawl khawpui chepna chhan leh kawngpuia lirthei tawtna chhan chu Aizawl Capital Expansion Project PC sorkar-in a siam tih puitlin a nih tak loh vang niin a sawi.

Zirtawpni kalta a Aizawl Press Club-a thuthar thehdarhtute a kawmnaah Pu KL. Lianchia chuan, kum 1979 a\anga 1984 thlenga PC sorkar Brig. T. Sailo kaihhruai khan Luangmual a\anga Tanhril ram thlengin Aizawl Capital Expansion Project a siam tih sawiin, chuta tan chuan ram compensation tlem te te pein ram pawh lak vek a nih thu a sawi a. Central sorkar phalna la hmasain, Town & Country Planning Corporation, New Delhi ruaiin Detailed Project Report (DPR) pawh siam a nih thu sawiin, ruahman dan chuan helai hmuna sorkarin ram a lakah hian Assembly Secretariat, Civil Secretariat, Raj Bhavan, Minister-te Bangla, Speaker Bangla leh Department hrang hrang Directorate Office zawng zawng leh sorkar Quarters zawng zawng dah tum a nih thu te, inkalpawhna kawng \ha tawk bakah, kawlphetha leh tui te, bazar te siam vek tum a ni tih sawiin, amaherawhchu kum 1984-a inthlannaah khan PC chu a chak zo lovin Pu Lal Thanhawla kaihhruai Congress-in sorkarna an chang a, he sorkar thar hian PC sorkar lo duan tawh Aizawl Capital Expansion Project chu a chhunzawm duh loh avangin khawpui tawt leh kawngpuia lirthei tawt lutuk a lo thleng ta niin a sawi a ni.