Lenkawl

Azaadi Ka Amrit Mahotsav (AKAM) Plan kalpui mekah nimin khan bawlhhlawh hman tangkai dan inzirtirna atan Serchhip Auditorium-ah ‘Waste to Art Exhibition’ neih a ni a, he hunah hian bawlhhlawh paih mai mai tur hmang tangkaia thil siamchhuah chi hrang hrang phochhuah a ni.

Ramchhung hmundangte rualin nimin khan Serchhip Blood Bank leh Association for Voluntary Blood Donation (AVBD) Serchhip Branch huaihawtin Serchhip Blood Bank-ah National Voluntary Blood Donation Day hman a ni.

Serchhip bialtu MLA Lalduhoma chuan Vawiin hian a bial chhunga Serchhip leh Then-zawl-a hman turin COVID-19 Sample Test-na khawl, Fluorescent Immunoassay (FIA) chu a hlan dawn a, Serchhip-ah chuan chawhma dar 11:00-ah CMO hnenah hlan tur niin bialtu MLA hian Aizawl a pan leh nghal dawn a ni.

Tunhnaia COVID-19 hri kai kai hmuh tam zualna Chhiahtlang North VC huamchhunga Zotuithiang Branch YMA huamchhung leh Chhiahtlang South-a Kang Veng Branch YMA huam-chhungte chu Serchhip District Bawrhsap chuan hri leng darh zel tur venna atan leh Contact Tracing mumal leh chak taka kalpui a nih theih nan te hmun khuahkhirh bik (Restricted Area)-ah a puang a. Restricted area chhunga cheng zawng zawngte chu mahni In-ah inkharkhip vek tur niin Dawr nei te pawh hawn phal a ni lo bawk.

Tuikum bialtu MLA leh Deputy Speaker, Er. Lalrinawma chuan nimin khan a bial chhunga Khumtung khua tlawhin VC leh VLTF te nen BNRGSK Hall-ah inkawmna hun an hmang.

Azaadi Ka Amrit Mahotsav (AKAM) Plan kalpui mek kharna leh Vawiin atanga hman tan tur Faina Hapta hawnna chu tukin hian Serchhip DC Conference Hall-ah neih a ni dawn a, he hunah hian AKAM Plan kalpui chhunga inelna hrang hranga lawmman semna neih nghal a ni dawn a, District Bawrhsap Kumar Abhishek chu khuallian a ni ang.

African Swine Fever (ASF) vangin Serchhip District chhungah Vawk thi ala awm belh zel a, nimin khan khaw pathum-ah Vawk pakhat theuh thi lehin heng te hi Chhingchhip, Sailulak leh Sialsir khua ami te an ni. Heti hian nimin thlenga Serchhip District-a ASF vanga Vawk thi chu 3719 niin nimin khan Thentlang-ah Vawk pahnih suat leh a ni bawk a, nimin thlenga ASF hri lenna a Vawk suat chu 3007 a tling tawh bawk a ni.

Nimin thleng khan Serchhip District-ah CO-VID-19 hri kai mi 2429 hmuhchhuah an ni tawh.

Jal Jeevan Mission (JJM) hnuaia Serchhip District chhunga Bungtlang khaw mipuite tana Tui lakna, E. Bungtlang Mini Solar Based Pipe Water Supply Scheme-a Solar Pumping System bik chu nimin khan hlawhtling taka enchhinna neih a ni.

Mamit DISHA thukhawm

Mizoram-ah COVID-19 hri kai hmuhchhuah an la pung zel a, niminpiah khan Sample enfiah 6950 atangin hri kai mi 1170 hmuh belh leh niin Sample enfiah atanga za zela 16.83 te chuan hri an kai leh a ni.

New Delhi-a cham mek Mizoram Rajya Sabha MP K. Vanlalvena leh OSD to Chief Minister Rosangzuala te chuan Union Minister of State for DoNER BL.Verma chu hmuin Mizoram tana thil pawimawh hrang hrang an thlen.

Mizoram-a NABARD kaltlanga SHG Rural Mart hmasa ber 'Sel Hel Rural Mart' chu nimin khan Kolasib DC, Dr. H. Lalthlangliana chuan Kolasib Venglai-ah a hawng.

Home Minister Lalchamliana chuan, “Zirna hian mihringte hi mi puitling ah min siam a tum ber a, pass that ni ngawt lovin mahni tan, khawtlang tan leh ram tana mi tangkai siam hi a tum a ni,” a ti.

Confederation of Indian Industries (CII) buatsaih East India Summit-2021 hman mekah nimin khan Mizoram State Session neih niin he hun hi Chief Minister Zoramthanga chuan a hmanpui a ni.

Catholic Hmeichhe Pawl, Assumption Parish, Serchhip te chuan Myanmar atanga Mizoram a rawn raltlan te tanpuina tur chi hrang hrang chu nimin khan Serchhip Sub-Hqrs. YMA kaltlangin an hlan.

Serchhip District-ah Vawk hri leng mek, African Swine Fever (ASF) avangin Vawk thi ala awm belh ve zel a, nimin khan Thentlang-ah Vawk pathum thiin Khawlailung-ah Vawk pakhat a thi leh bawk a ni. Heti hian nimin thleng khan Serchhip District-a ASF hri lenna khaw 35-ah Vawk 3716 lai a thi ta a ni. Nimin khan Thentlang khua ah hian Vawk 7 suat niin Chanmari Veng-ah Vawk pathum leh Piler khua ah Vawk pakhat suat a ni bawk a, nimin a Vawk suat zawng hi 11 niin Serchhip District-a ASF hri lenna hmun a Vawk suat tawh chu 2998 a tling ta bawk a ni.

Nimin khan Serchhip-ah District Task Force on Beti Bachao Beti Padhao chu thukhawmin kum 2020-21 Action Plan kalpui tawh dan an thlir-let bakah kum 2021-22 Action Plan tur an duang nghal.

Nimin khan Serchhip District-ah COVID-19 hri kai mi 49 hmuh belh leh niin hri kai zinga mi 70 te enkawl dam an ni thung.

Serchhip District Elder Helpline Authority chu nimin khan Serchhip District Bawrhsap hova thukhawmin khua leh tui kum upa zawkte tana Helpline kalpui mekah Serchhip District hmalakna tur awm theite leh Service Offices (Line Department) ten lo inbuatsaihna an mamawh awm thei te an sawiho.