Tuikum bialtu MLA in tlawh

Tuikum bialtu MLA leh Deputy Speaker, Er. Lalrinawma chuan nimin khan a bial chhunga Khumtung khua tlawhin VC leh VLTF te nen BNRGSK Hall-ah inkawmna hun an hmang.

He an inkawmna hunah hian bialtu MLA chuan VLTF leh khawtlang mipuite inpekna avangin hun rei tak Khumtung khawtlang chu hri lakah an him thu leh lawmawm a tih thu a sawi a.  Fimkhur zawk a hri dona leh invenna te kan kalpui zel a ngai tih sawiin, sawrkar dan siam (SOP) te hi kan him tlanna tura duan a ni tih hrerengin zawm ngei kan tum zel dawn nia, a ti bawk.

He hunah hian Khumtung VCP Lalhre-chianga chuan Bialtu MLA in a ngaihven reng avangin lawmthu a sawi a, hrileng karah hma-sawnna thil hrang hrang a ngaihtuahpui reng te chu thlamuanthlak a tih thu a sawi bawk.

Tuikum bialtu MLA hian MLA  Fund atangin Khumtung VLTF te hnenah Rs. 30,000/- leh 4C tan Rs. 40,000/- leh Test Kit 50 a pek tur thu a sawi bawk a ni.