Latest News

Hri kai 2429 hmuh an ni tawh

Nimin thleng khan Serchhip District-ah CO-VID-19 hri kai mi 2429 hmuhchhuah an ni tawh.

Hriat theih chinah nimin khan Serchhip District-ah hri kai mi 20 hmuhchhuah an ni a, an zinga 9 hi Serchhip Vengchung ami te niin Chanmari Veng-ah hri kai mi pathum hmuh an ni a, Field Veng-ah hri kai mi pahnih hmuh niin Bazar Veng, AOC Veng leh Dinthar Veng-ah hri kai mi pakhat hmuh a ni a, Thenzawl-ah hri kai mi pakhat hmuh a ni bawk. Hei bakah hian niminpiah khan True-Nat Laboratory-a Sample enfiah atangin hri kai mi 9 hmuh an ni bawk.

Nimin khan Serchhip District-a hri kai enkawlna hmun hrang hrangah mi 30 enkawl dam an ni leh bawk.

Heti hian nimin tlai dar 5:00 thleng khan Mizoram-a hri kai hmuhchhuah chu 2429 an tling tawh a, an zinga 1882 te chu enkawl dam ni tawhin tunah hian hri kai enkawllai 543 an la awm mek a, hri kai zingah mi 4 boral tawhin Serchhip District-a hri kai hmuhchhuah zingah za zela 77.48 te chu enkawl dam an ni tawh a ni.

Comments

Chhiar Hlawhte