Latest News

Mizoram-a SHG Rural Mart hmasa ber hawn a ni

Mizoram-a NABARD kaltlanga SHG Rural Mart hmasa ber 'Sel Hel Rural Mart' chu nimin khan Kolasib DC, Dr. H. Lalthlangliana chuan Kolasib Venglai-ah a hawng.

'Sel Hel Rural Mart' hawnna hunah hian Kolasib DC chuan 'Sel Hel Rural Mart' a SHG kutchhuak phochhuahna leh zawrhchhuahna tur hmun MzSRLM leh NABARD kaltlanga hawn theih a buatsaih a ni chu lawmawm a tih thu sawiin, pawl anga sumdawnna kawnga thawhhona ah SHG chu hma thui tak an sawn tawha a hriat thu a sawi bawk.

'Sel Hel Mart' tih puitlin nan hian District Development Office, NABARD, Kolasib atangin cheng nuai 4.75 leh MzSRLM atangin Rs. 25,000 ruahman a ni a, hei hian Rural Mart dawr luahna mante, dawr nghaktu hlawhte leh dawr enkawl nana tul hrang hrang buatsaih nana tih a ni. He project hi NABARD hnuaiah hian kum 2 chhung kalpui tur a ruahman a ni a, kum 2 ral hnu hian SHG-ten an mahni a inenkawl chho thei tur a tih a ni bawk.

Sel Hel Rural Mart-ah hian Bilkhawthlir RD Block chhunga SHG Cluster Level Federation 3 awmte thil siamchhuah zawrh chhuahna hmun tur a ruahman a ni a, Serlui Cluster Level Federation ten an enkawl dawn a ni. Rural Mart-ah hian SHG kutchhuak chiah zawrh chhuah tum niin Bazar hmun aia tlawm a zawrh thin tum a ni bawk.

Comments

Chhiar Hlawhte