Latest News

COVID-19 hri danna la thei chin zawng ten hri danna la vek turin Serchhip CMO in a sawm

Image
Serchhip District Chief Medical Officer Dr. Laldawngliana Sailo chuan COVID-19 chu theihtawp chhuaha kan do chung pawha kan do hnehloh a ni tih sawiin, chumi dona hmanraw pawimawh tak chu hri danna laka ni tih a sawi a, hri danna la thei chin te chu la vek turin a sawm bawk.

Hri kai mi 49 hmuh belh leh

Nimin khan Serchhip District-ah COVID-19 hri kai mi 49 hmuh belh leh niin hri kai zinga mi 70 te enkawl dam an ni thung.

Hriat theih chin ah nimin-a hri kai hmuchhuah zinga mi 45 te hi Serchhip khawpui chhung atanga hmuh te niin Serchhip Vengchung-ah hri kai mi 25 lai hmuhchhuah belh leh an ni a, Bazar Veng-ah hri kai mi 5 hmuh niin Tuikhuah Veng leh Chhim Veng-ah 3 ve ve, New Serchhip leh Bazar Hnuai ah mi 2 ve ve bakah Ramthlun Veng, Chanmari Veng, Field Veng, Venglai leh AOC Veng-ah hri kai mi pakhat theuh hmuh an ni a. Heng mi te bakah hian Thenzawl-ah hri kai mi 3 hmuh niin East Lungdar-ah hri kai mi pakhat hmuh a ni bawk.

Heti hian nimin tlai thleng khan Serchhip District-a COVID-19 hri kai hmuhchhuah tawh chu 2391 niin an zinga 1854 te chu enkawl dam an ni tawh a, hei hi hri kai hmuhchhuah atanga chhutin za zela 77.54 niin tunah hian hri kai en-kawllai 533 an la awm mek a, hri kai zingah mi 4 an boral tawh bawk a ni.

Comments

Chhiar Hlawhte