YMA kaltlangin raltlan te tanpuina hlan

/

Catholic Hmeichhe Pawl, Assumption Parish, Serchhip te chuan Myanmar atanga Mizoram a rawn raltlan te tanpuina tur chi hrang hrang chu nimin khan Serchhip Sub-Hqrs. YMA kaltlangin an hlan.

Heng tanpuina hlanna pual hian nimin tlai khan Assumption Church, Serchhip P&E Veng kawt-ah hun hman niin Father Henry Laldinmawia Asst. Parish Priest chuan tawngtaina hun hmangin Catholic Hmeichhe Pawl Chairman, Teresa Lalawmpuii chuan Serchhip Sub-Hqrs. YMA hnenah thilpek hrang hrangte hi a hlan a, he hunah hian Serchhip Sub-Hqrs. YMA te hi an Vice President Lalrammawia hovin OB te leh SEC Member te an tel a ni.

Catholic Hmeichhe Pawl, Assumption Parish, Serchhip te hian an thurel bawhzuiin an Bial chhung Kohhran tinah Myanmar raltlan te tanpuina tur hi thawhkhawm nise tiin an rel a, Kohhran hrang hrang atanga an thawhkhawm, Thawmhnaw leh Mutbu engemaw zat bakah sum an dawn atanga an lei buhfai bag 7, Dal bag 2, Chini bag 2 leh Tel Case hnih te chu YMA Sub-Hqrs. kutah hian an hlan a ni.

Hetihlai hian Serchhip Sub-Hqrs,. YMA hian an huamchhunga YMA Branch leh Group hrang hrangah raltlante tanpuina kawn hna an kalpui mek a, Branch tam tak te chuan raltlan te tan khawlai-ah bawm te hungin tanpuina hi an lakhawm a, heng te hi Oct. 10, 2021 hmaa Sub-Hqrs. YMA-ah thehlutin raltlan te tanpuina atan hian semchhuah leh tur a ni ang.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »