Lenkawl

Serchhip-IV Village Level Task Force huaihawtin nimin (April 5, 2020) zing dar 8:00 khan Serchhip Bazar-ah ‘Tumkau Ni’ pualin hun hman a ni a, he an hun hman hi aurinna hmanga pekchhuah niin mi tam tak ten an In kawtkai leh hmun remchang atang te-a lo hmanpuiin aurualna hun te hman a ni a, mipuiin an hlut hle a ni.

Serchhip-a PHE Department chuan rampum a Lockdown kalpui mek chhunga mipui ten Tui lama harsatna an neih loh nan theihtawp chhuahin hma an la chhunzawm zel a. India rampuma inkhar-khip (lockdown) tan atanga chawlhkar hnihna (March ni 29 - April 4, 2020) chhung khan PHE Department chuan Serchhip khawpui chhungah tui litres 138,05,000 an sem chhuak a, heng an Tui sem atanga litres 132,80,000 hi Tuikum atanga khawl hmanga an pump chhuah niin, litres 5,25,000 hi Sailam ram atanga khawl hmang lova tui lak a ni bawk.

Serchhip District chhunga Local Task Force 52 te hnenah Inrinni khan Serchhip District Disaster Management Authority-a Chairman leh Serchhip DC, H. Dolianbuaia chuan DDMA Fund atangin COVID-19 laka invenna lama hmalakna nana hman turin tanpuina sum a sem a. Local Task Force hrang hrang te tanpuina pek hi inzat lovin, Local Task Force lian deuh leh hmalakna tur ngah deuh ten tanpuina hi dawng tamin Rs. 6000/- an dawng a, Local Task Force dang ten Rs. 5000/-, Rs. 4000/- leh Rs. 3000/- te dawngin a dawngtute hian an remchan danin Serchhip DC Office-ah lam theih a ni ang.

Chinghnia in Sial vulhte bei

Health Minister, Dr. R. Lalthangliana chuan Mizoram-a Health Department-a thawk te chu chak tak leh chhel taka mahni hna theuh thawk zel tura ngenin a chah bawk.

Kumin February ni 11 atanga Vairengte Check Gate-a COVID-19 endik hna kalpui a nih atangin COVID-19 vei rinhlehawm pakhatmah an la awm lo.

Mizoram chhunga lung In tang mi 337 te chu COVID-19 darh palh thei thu ah chhuah an ni a, heng zinga mi 289 te hi vawikhat thil tihsual avanga tang mek te niin heng mite hi Bail-a chhuah an ni.

Mizoram sawrkar-a Health & Family Welfare Secretary chuan sawrkar hnuaia Doctor thawk zawng zawngte chu anmahni thawhna hmun theuha ah mipuite tan rawn theiha awm reng turin a ti.

Health Minister, Dr. R. Lalthangliana chuan COVID-19 hri leng chungchangah Zoram hmun hrang hranga Media - Print leh Visual ten sawrkar hmalakna leh ruahmanna te tha taka zawmin mipui-ah inzirtirna tha an thehdarh nasat avangin khawvel hmun dangte angin harsatna lian lutuk kan tawk lo nia sawiin, Media te chungah lawmthu a sawi.

Vawiin April 5, 2020 hi Kristian te ni pawi-mawh, Isua Krista Jerusalem-a ropui taka a luhna Ni, Tumkau Ni a ni a, kumdangah chuan he Ni hi Kohhran hrang hrang ten urhsun takin hmang thin mah se kumin ah erawh Coronavirus avanga lockdown kalpui mek a nih avangin Ser-chhip-a Kohhran hrang hrangte chuan he Ni pual hian hun an hmang dawn lo a. Veng thenkhat te chuan Local Level Task Force te huaihawt in he Ni pual hian zingkar-ah mahni In theuh atanga aurualna neiin hun an hmang ang.