Lenkawl

Serchhip Police te chuan nimin tlai khan Serchhip Bazar leh khawpui chhung hmun hrang hrangah Special Drive neiin dan bawhchhia mi 5 an man.

Nimin, November thlaa Pathianni hmasa ber kha Khawvel Sunday School Ni atan hman niin Kohhran hrang hrang ten urhsun takin an hmang a.

Serchhip Damdawi In-a damlo ten an ma-mawh huna thisen an hmuh zung zung theihna tura Association for Voluntary Blood Donation (AVBD) Serchhip Branch ruahmanna siam angin Inrinni khan Serchhip Bethel Branch K|P te chuan Serchhip Blood Bank-a dah turin thisen an pe a, thisen petute hi mipa 25 leh Hmeichhia 7, an vaiin mi 32 an ni a, heng mi tlawmngai te thisen hi Blood Bank-a thawk ten Bethel Koh-hran Hall-ah kalchilhin an lak sak a ni. AVBD Serchhip Branch hruaitute chuan mi tlawmngai te zarah tunhnaiah Serchhip Blood Bank-ah thi-sen lama harsatna a awmloh thu an sawi.

Serchhip Hmar Veng YMA Branch YMA hnuaia Education & Children Sub-Committee chuan Inrinni khan Serchhip Sub-Hqrs. YMA leh UD&PA Department thawhdunna hnuaia ‘YMA Chhang Faina Project’ a Vengchhung Fai ber lawmman an lak lawmna neiin Music Video thar an tlangzarh bakah zirlai hlawhtling te lawmpuina hun an buatsaih bawk.

Tripura a Naisingpara Relief Camp-ah ril\am luat vangin Bru naute leh nu pakhat kum 60 mi an thi niin Mizoram Bru Displaced People's Forum (MBDPF) hruaitute chuan Inrinni khan an sawi.

MZP General Hqrs. hruaitute leh JAC on Inner Line Reserve Forest hruaitu te chuan Home Minister, Lalchamliana chu Mizoram leh Assam ramri chungchang leh Tripura leh Assam-a Zohnahthlak ten Vairengte Check-Gate a harsatna an tawh chungchang te an sawipui.

ZPM General Hqrs. chuan SSA leh RMSA Zirtirtu lak tawh 91 te chu Advertisement chhuah ngeia lak \hat leh an phut thu sawiin, a rang thei ang bera Recruitment Rules pawh siam an phut thu an sawi a. Mizoram Education System ah huaisen taka inenfiahna tur leh siam\hat ngai te siam\ha ngam tura sawrkar chu an duh thu an sawi bawk.

Rural Development Minister, Lalruatkima chuan Chief Minister, Zoramthanga chu mite hmuh loh hmu phaktu a nih thu sawiin, Chief Minister hlui chu vision neih lovah a puh bawk.

MPC Party General Hqrs. Vice President thar, Chalthangluaia leh hruaitu \henkhat te chuan nimin khan Aizawl-a MPC Party Office ah Pathian hnena inhlantharna an nei.

MPCC President, Lal Thanhawla chuan Congress party chu a thochhuak leh mek niin a sawi.

Lunglei Town Surveillance System hnuaia Lunglei khawpui him zawkna tura cheng nuai 145 senga CCTV bun thar chu nimin khan Lunglei District High Powered Committee Vice Chairman, Lawmawma Tochhawng MLA chuan a hawng.

Chief Minister, Zoramthanga chuan nimin khan Aizawl-a Secretariat Building Annex-II, Treasury Square-ah Socio-Economic Development Policy (SEDP) hnuaia Board hrang hrang 14 te Office tur chu a hawng a. He hunah hian Chief Minister chuan SEDP chu pawisa bituk zat nei a sem den den lam a niloh thu a sawi bawk.

Serchhip khawpui chhim lama zirna In 2-, Zoluti Memorial H/S leh LM M/S zirlai naupang te chuan nimin khan Vantlang tana thil \ha tihna Ni hmangin Serchhip Bazar a\anga chhimlam panna kawng, NH. 54-a Sesah kawrh kama kawngpui khuar chhe lutuk thawm\hat hna an thawk a. He hunah hian zirlai naupang 50 vel bakah an Zirtirtute thawkchhuakin kawng khuar zual-ah lung te phahin kawng siamrual hna hi an thawk a ni.

Serchhip Sub-Hqrs. YMA ten New Ser-chhip-a damdawi zawrhna Dawr pakhat, Mapuii Drug Store chu sawrkar in an Drug License a cancel sak hnuah an dawr an la hawng nia hriaa Nov. 1, 2019 hmaa an dawr khar tura an tih angin nimin a\ang khan khar a ni a. Hetihlai hian he dawr neitute hian dan anga sawrkar-ah dilna siamin an dawr hi hawn chhunzawm leh a nih theih nan hmalak an tum nia thudawn a ni bawk.

Mizoram sawrkar in Primary School leh Middle School-a thawk tura MR Teacher a lak hnuah Serchhip District chhunga post 8-a thawk tura lak te chuan an hna an zawm lo.

Mizoram State Games vawi 3-na neih tur atana Serchhip Assembly Constituency aiawh tur thlan dan tur chu nimin khan Serchhip-ah bialtu MLA, Lalduhoma hovin sawiho a ni.

AH&Vety Minister, Dr. K. Beichhua chuan nimin khan Siaha khawpui chhunga lei tlak-hniamna hmun hrang hrangte a enfiah.

Supply Minister, K. Lalrinliana chuan nimin zing khan Ngopa leh N.E. Khawdungsei-a Supply Kudam te tlawhin an enkawl Department hmalakna a en bawk. Supply Minister hian Ngopa a Supply kudam a tlawh hmasa berin kum 2014-a sak he Kudam-ah hian buhfai dinhmun a \ha tih thawktute chuan an lo hrilh a. Kum 2016-a sak N.E. Khawdungsei Kudam-a thawktute pawhin buhfai dinhmun a \hat thu an lo hrilh bawk a ni. LAD changtu ni bawk K. Lalrinliana hian Ngopa hmarlam KM 2 vela Park siam mek pawh tlawh nghalin he Park hi \in 4 hmun vel zeta zau niin LAD a\anga a tihchangtlunna tura hmalak dan tur te pawh Minister hian a enpui nghal a ni.

MPCC Media Department chuan School Education Minister chu SSA & RMSA hnuaia awlsam taka hnawhkhah theih post ruak (casual vacant post) a hnawhkhah tawh zat te, Post ruak hnawhkhah tur la awm zat leh RMSA School thar-a post awm zat te hi chiang taka mipui hmaah puangchhuak tura an phut thu an sawi.

Chiahpui khua chuan nimin khan kum 2018-2019 chhunga Mizoram a Village Council tha bera thlan an nih lawmna neiin LAD Minister, K. Lalrinliana chuan a hmanpui.