Lenkawl

Mizo Zirlai Pawl (MZP) chuan nimin khan Zirlaite Ni chu Dawrpui Multipurpose Hall-ah an hmang a, he hun hi School Education Minister, Lalchhandama Ralte chuan a hmanpui a ni.

Health Minister, Dr. R. Lalthangliana chuan nimin khan Mizoram New Capital Complex (MINECO)-a Mizoram State Drug Testing Laboratory sakna tur lungphum a phum.

All Mizoram Karate Association (AMKA) buatsaih 23rd AMKA Mizoram State Karate Championship 2019 zawhfel takah Zomalsawma s/o RC. Zohmangaihi, Serchhip Tuikhuah Veng chuan Senior Category, Kg. 55-60 inkar ah Gold Medal lain Best Fighter leh Most Promising Fighter atan tlan niin Honour of Guest Momento a la.

Serchhip Dinthar Veng NGO Coordination Committee leh Serchhip-II VC \angrual in nimin zing khan Serchhip Dinthar Veng-a Rem-sangzuala te ln chu an kalh sak. Thudawn danin Remsangzuala te hian Dinthar Veng NGO Coordination Committee leh Serchhip-II VC Joint Committee ngenna ngai pawimawh lova Zu an khawih zui zel avang leh Zu khawih tawhlo tura an intiamna pawh an bawhchhiat avangin hetiang hian an In hi an kalh sak a, an Vengchhunga an awm leh theih hun tur chu la ngaihtuah leh tur a nih thu an sawi bawk.

ZPM Block |halai Committee, Serchhip chuan Serchhip Sub-Hqrs. YMA hmalakna chu a tawp thlenga an thlawp thu an sawi.

Serchhip CMO Office-a Asst. Director (Food and Drug) Transfer-na thu lo chhuah tawh chu sawrkar in thu leh awm hma chuan kaltlangpui rihlo tura a tih avangin Serchhip Sub-Hqrs. YMA chuan Vawiin a\anga Serchhip-a Health Department-a thawk te Pisa kai tur leh Asst. Director (Food & Drug) insawn tur dan an tum chu an \hulh lailawk.

Serchhip Sub-Hqrs. YMA chuan Serchhip CMO Office-a Asst. Director (Food & Drug) sawnchhuahna Order chu sut (cancel) a nih loh chuan naktuk a\angin Serchhip-a Health Department-a thawk te Pisa kai tur dan nise an ti.

Nimin Pathianni hmanga Serchhip Area Baptist Council (SABC) inkhawmpui neih chu nizan khan a \iak a. BCM Serchhip Biak In-a ABC inkhawmpui-a Palai te hian Inrinni khan Serchhip Auditorium-ah rorelna neiin nimin Pathianni khan Kohhran Upa tan mi 5 nemngheh an ni bawk. Serchhip Area Baptist Council (SABC) hi Feb. 26, 1997 khan hawn niin tunah hian Pastor Bial 6 huamin Tualchhung Kohhran 34 an awm mek a, Pastor 6 leh Pro. Pastor 2 awmin Kohhran Member 10,345 an awm mek a ni.

Serchhip District Anti-Tobacco Squad leh Serchhip Police te chuan Inrinni zing khan Ser-chhip Bazar-ah Squad Drive neiin COTPA in puipunna hmuna meizuk a khapna dan bawhchhia an awm leh awmloh dapchhuah hna thawk lehin puipunna hmuna mei zu mi 4 an man a, heng mite hi Dan in a phut angin pawisa chawitir nghal an ni.

Serchhip District-a Ar vulhtu \henkhat te chu Inrinni khan inhmukhawmin pawl thar, ‘Ser-chhip District Ar Vulh Association’ (SEDAVA) an din a. Kum 2019-2020 chhunga hruaitu tur pawh insiam nghalin President-ah Vanlalzarliana, Bazar Veng, Vice President-ah B. Lalduhzuala, Vengchung, Secretary-ah Vanlalzawmliana Singson, Medical Quarters, Asst. Secretary-ah K. Lalruatkima, Dinthar Veng, Treasurer-ah R. Vanngaia, Dinthar Veng leh Fin. Secretary-ah V. Lalchhanhimi (Nu-i), Chhim Veng te thlan an ni. He pawl hruaitute chuan tunhnaia Serchhip-a Ar vulhtu pawl din leh an pawl chu pawl hrang daih a nih thu an sawi bawk.