Lenkawl

MZP General Hqrs. hruaitu ten Political party hrang hrang an kawmna kal zelah nimin khan Aizawl Mizo Hnam Run tlawhin MNF party hruaitute nen inkawmna an nei a, MNF sawrkar a din huna hmalak an tumna hrang hrang an sawiho.

MNF President, Zoramthanga chuan Party dangin ten MNF chu sawrkar tura an ngaih avangin an beihrawn nasa hle tih sawiin, BJP chu an thawhpui loh thu a sawi bawk.

Mizoram University Convocation vawi 13-na chu nimin khan MZU Multipurpose Hall, Tanhrilh-ah neih a ni a, he hun hi Mizoram Larsap, Kummanam Rajasekharan, Rector of Mizoram University ni bawk chuan khuallian nia hmanpuiin zirlai 3922 te hnenah Dergee pek thar an ni.

Mizoram Aero Sports Association (MASA) hruaitute chuan nimin khan Serchhip-a thuthar thehdarhtute kawmin Serchhip in Mizoram Open Pra-Gliding Accuracy Championship-2018 a thlen tur chungchang an sawifiah.

Mizoram Assembly inthlanpui chuh tumte tana hming pekluh hun nimin a khar takah Serchhip District-a Assembly bial 3 chuh turin mi 19 in hming an pelut a. Nimin bikah mi 3 in Nomination Paper an thehlut a ni.

Assembly inthlanpui neih tura Serchhip Distric chhunga Observer turte chu mipuite tana biakpawh theih turin an awm ta.

Nimin tlai khan Election Commission of India (ECI) hotute Dy. Election Commissioner Sudeep Jain hova Aizawl-a lokalte chu All NGO Co-Ordination Committee hruaitute nen an inkawm a, ECI hotute chuan Tripura Camp-a Bru-te an awmna hmuna vote an thlak tir dawn loh thu leh Mizoram Chief Electoral Officer (CEO), SB. Shashank sawn chhuah a nih dawn thu an sawi.

Mizoram Kohhran Hruaitute Committee (MKHC) chuan Social Media hrang hranga thu-ziak leh lemziak thehdarh ah mipuite fimkhur turin an chah.

Mizoram Police te chuan Mizoram mipuite chu an thu thehdarh ah fimkhur tura chahin, inthlanpui muanawm kan neih theih nan \anrual \ul an tih thu an sawi.

NGO Co-Ordination Committee-in Mizoram chhuahsan tura an phut Mizoram Chief Electoral Officer (CEO), SB. Shashank-a chuan nimin khan Lengpui Airport a\angin Mizoram a chhuahsan.

Tuirial biala Congress Party Ticket-a \um hnih thlantlin tawh, Hmingdailova Khiangte chuan kumin a Assembly inthlanpui neih tur chu a bial ngai ah hian NPP Ticket-in a ding dawn.

Mizoram Assembly inthlanpui neih tur atan Vawiin hian inthlan chuh tum tam ber te chuan Nomination an file beisei a ni a,

Mizoram NGO Co-Ordination Committee huaihawta Hnam Hnatlang neih chu nimin khan chhunzawm leh niin chawhnu dar 12:45 khan he Hnam Hnatlang hi tihtawp a ni.

Mizoram Kohhran Hruaitute Committee (MKHC) chuan Social Media hrang hranga thu-ziak leh lemziak thehdarh ah mipuite fimkhur turin an chah.

Mizo Zirlai Pawl (MZP) chuan Mizoram Assembly inthlanpui neih tur pualin Mizoram chhunga Political Party hrang hrangte kawmkual an tum a. Nimin khan Aizawl-a Zoram Peoples’ Movement (ZPM) Office-ah lengin ZPM hruaitute nen inkawmna neiin ZPM hmalak tum dan hrang hrang an sawiho.

Zoram Peoples’ Movement (ZPM) chuan All NGO Coordination Committee in Mizo Hnatlangpui a koh hial ngaia kan hnam leh ram, Sakhuana thleng a ngaihtuahawm khawp a tluchhe mek chu pawi an tih thu nimin khan thuchhuah siamin an tarlang a.

Mamit District chhung Hachhek Constituency-a PRISM Party Official Candidate atana ruat, Eddy Zosangliana Colney chuan Hachhek bial chhunga Jt. NGO te ngenna angin a \ul phawt chuan inhnuhdawh a hreh loh tur thu a sawi.

Khawvel ram hrang 10 a\anga lokal, India chhulchhuak ramdang mi nihna nei tawh \halai 39 te chuan niminpiah tlai khan Aizawl-a Raj Bhavan-ah Mizoram Larsap, Kummanam Raja-sekharan chu an kawm.

NGO Co-Ordination Committee huaihawta Hnam Hnatlang pui ber chu nimin khan Aizawl Treasury Square-a Chief Electoral Officer pisa tual, Raj Bhavan bulah hman a ni.

Mizoram Chief Electoral Officer duhlohna entirna neih mekah a hmuna thil awmdan zirchiang tura Election Commission of India mi tirh pathum, Jharkhand CEO, Lalbiaktluanga Khiangte kaih-hruaite chuan nimin tlai khan Aizawl rawn thlengin nimin tlai vek khan NGO Co-Ordination Com-mittee hruaitute chu CS Conference Room-ah an kawm nghal a.