Lenkawl

MZP Sub-Hqrs. Thenzawl chuan thuchhuah siamin Govt. Thenzawl High School-a Headmaster hna thawk lai L.D. Rasera chu a hna a\anga bang tura an phut thu leh Nov. 26, 2013 hmaa Thenzawl chhuahsan tura an hriattir thu thu an tarlang .

MNF Gen. Hqrs. chuan Vanglaini chanchinbu-a National Education Day Message tihchhuaha Chief Minister Pu Lal Thanhawla leh Education Minister, Pu Lalsawta te thlalak tarlan a ni chuan Election Model Code of Conducts a bawhchhia tih sawiin, Chief Electoral Officer, Pu Ashawni Kumar hnenah lungawilohna an thlen.

MZP Gen. Hqrs. chuan nimin khan MZP Pisa Pui-ah Executive Meeting neiin Mizoram chhunga Gorkhali ten Other Backward Class(OBC) Status neih an dilna chungchang sawi a ni.

Tun thla ni 25-a Mizoram Legislative Assembly inthlanpui neih tur atan Serchhip-a Political Party hrang hrangte chu ngawrh takin an inbuatsaih chho mek zel a, ZNP chuan nimin khan Information Office hawngin Congress party in mithar lawmluhna hun an hmang bawk.

Nimin (11th Nov. 2013) chawhnu hret khan Vanghmun leh Tlaksih inkarah Lalramsanga, Hmunpui (Fishery Assistant) s/o Khualluna chu Tripper in a chil a, a hmunah boral nghalin, Vanghmun khaw mipui thinrimin a chiltu motor hi an hal chhe vek.

M izoram Assembly inthlanna tun thla ni 25 a neih tur atan Tripura relief camp-a Bru vote thlak thei awm te chuan tun thla ni 19 leh 20-ah Postal ballot hmangin an camp-ah vote an thlak dawn.

Mizoram Assembly inthlanpui neih turah Aizawl District-a Assembly bial 10-ah te chuan Voter Verifiable Paper Audit Trial (VVPAT) hman tum a ni.

Thla ruk chhungin Mizoram-a a thlawna thisen pek zat chu Unit 11,636 a ni.

Mizoram Assembly inthlan tun thla ni 25-a neih tura hming pekluh mi 142-te nomination lehkha chu Inrinni khan endik a ni a, Serchhip District-a Tuikum biala mi pakhatin Nomination 2 a thehluh zinga pakhat erawh chu hnawl a ni thung.

Mizoram a Political Party pali MPCC, MNF, MPC leh ZNP President te zingah Congress President Lal Thanhawla’n rosum a ngah ber a, Zoram Nationalist Party President Lalduhoma’n a nei tlem ber thung.

Kumin inthlanpui-a vote thlak thei chin chhiarna ah mipa aiin hmeichhe voter an tam zawk a, vote nei 6,86,305 zingah hmeichhe vote nei 12,707 zetin a tam a; hetihlai hian hmeichhe candidate 4 an awm dawn a. Congress Party leh MNF a\angin 1 ve ve thehchhuah an ni a, BJP a\angin 1 leh Independent-in 1 a ding dawn bawk. Kum 25 kalta chhung khan candidate zinga hmeichhia thlantlin pakhatmah an awm lo thung.

Science & Technology Department chhinchhiah danin kumin (2013) January a\anga October thla tawp thleng khan Mizorama ruahtui tla hi 2019.30 mm a ni a, kumdang ngaihtuahin ruahtui chu a tla \ha thawkhat a, kumin chhung hian May thla-ah ruahtui tla tam berin 458.40 mm a tla a ni.

Assembly inthlanpui neih tura Serchhip District chhunga Observer turte chuan Serchhip rawn thleng tawhin mipuite tan dawr theih reng an ni.

Serchhip District Election Office buatsaih Systematic Voters’ Education and Electoral Participation (SVEEP) hnuaia Serchhip District huap “Vote thlak hi ka mawhphurhna a ni” tih thupui hmanga Essay inziahsiak ah heng te hi lawmman latu te an ni :-

ZNP Campaign Office lo khawih

Tun thla ni 25-a Mizoram Legislative Assembly inthlanpui neih tura Serchhip District chhung Assembly bial 3 chuh turin Candidate 12 an awm dawn ta.

Tun thla ni 25-a Mizoram Legislative Assembly inthlanpui neih tur atana hming pekluh hun chu nimin tlai dar 3:00 khan khar a ni ta a, hriat theih chinah he inthlanna chuh tur hian mi 142 ten hming an pelut a ni.

ICFAI University Mizoram chuan nimin khan an University Campus, Durtlang North-ah an Convocation vawi 2-na an hmang a, Mizoram Governor Pu Vakkom Purusothaman, he University-a Visitor ni bawk chuan he Convocation hi a hmanpui a ni.

Mizo Students’ Union (MSU) Gen. Hqrs. chuan Mizoram Sorkar hnuaia hnathawk, kum diklo a inziak lutte an kum siam\hatna hun Sorkarin a ruahman theih nan hma lak nise a n ti.

Damlo te hnenah sem