Latest News

Gorkhali te OBC dilna MZP in pek rem an tilo tih an sawi nawn.

MZP Gen. Hqrs. chuan nimin khan MZP Pisa Pui-ah Executive Meeting neiin Mizoram chhunga Gorkhali ten Other Backward Class(OBC) Status neih an dilna chungchang sawi a ni.
MZP chuan hun rei tak ata tawh Gorkhali ten Other Backward Class (OBC) dinhmun an dilna chu eng ti kawng mah a tih hlawhtlin sak lo turin sorkar a ngen tih an sawi a, India danpuiin OBC a tih te chu zirna lamah leh khawsak phung a dinhmun chhia leh hniam bikte an nih thu sawiin, amaherawchu Mizoram-a OBC dinhmun neih tuma khel kual mek Gorkhali hnam te erawh zirna lamah leh khawsak phungah pawh a ram leilung fa, Mizote aia sang tak tak leh In hmun leh ram pawh nei tha zawkte an ni fur niin an sawi a. Mizoram a Gorkhali ten OBC dinhmun an luah chuan state sorkar hna lak reng rengah leh zirna In hrang hrang ah seat leh quota 27% hauhsak an nih dawn avang leh ram leilung faten nasa taka kan tawrh theih dawn avangin MZP chuan \ha a tilo tih sawiin, sorkarin \anpuina a pek private company te leh private school ah te pawh OBC te dinhmun hi hauhsak an la nih leh zel dawn avangin nasa taka hmasawn la ngai leh kawng hrang hrang hnufualna tam tak la nei Zofate chanvo tam tak ei hek sak a kan awm dawn avangin MZP chuan eng ti kawng maha Gorkhali te OBC dinhmun pek hi rem a ti lo tih an sawi a ni. Hei bakah hian kan hma lawk a MLA inthlanpui lo awm turah pawh Mizoram chhung a political Party hrang hrang te chu Gorkhali vote hip nana OBC dinhmun an neih theihna tur zawnga intiamkamna siampui lo turin MZP chuan a ngen thu an sawi bawk a ni.

Comments

Popular News (Last 30 Days)