Mi chilhlumtu a puh Motor hal ve nghal

Nimin (11th Nov. 2013) chawhnu hret khan Vanghmun leh Tlaksih inkarah Lalramsanga, Hmunpui (Fishery Assistant) s/o Khualluna chu Tripper in a chil a, a hmunah boral nghalin, Vanghmun khaw mipui thinrimin a chiltu motor hi an hal chhe vek.

Thudawn danin Lalram-sanga hi Office thil buaipuiin Vanghmun a\ang hian Tlaksih khuaah Bike-in a kal a, a haw lam chu Tripper hian chilin, a hmunah a thi nghal nia ngaih a ni a. Mita hmutu an awm loh avangin Tripper hi a tlan tlang a, Tripper tawk zawnga Bike thoa kal Vanghmun khaw mi pakhat chuan Lalramsanga ruang hi hmuin, Vanghmun a Phone nghal a, Vanghmun mipuite chuan lo changin, Tripper erawh Vanghmun khuaa tlan lut ngam lovin khawdaiah motot hi a dah a. A driver hi a tlan bo avangin mipui thinrim chuan motor hi an hal ta mai niin thudawnna chuan a sawi bawk. Thudawnna chuan he Tripper hi hnamdang ta leh a khalhtu pawh hnamdang (Vai) niin, Cement leh Balu thiara tlan \hin a ni. Lalramsanga hi a nu leh pa fa tlum ber leh an mipa neih chhun a ni a, tunah hian Lalnundiki nen inneiin, fanu pahnih leh fapa pakhat an nei mek a. Vawiin hian an khua a\anga 20 KM-a hla Kanchanpur-ah Postmortem a ni ang. He tualthihna thleng chungchang ah hian boruak \ha lo a thleng zui lo nia thudawn a ni a, Vanghmun Police Station-ah thubuai ziahluh nghal a ni.