Serchhip District-a Bial 3 chuh turin Candidate 12 awm

Tun thla ni 25-a Mizoram Legislative Assembly inthlanpui neih tura Serchhip District chhung Assembly bial 3 chuh turin Candidate 12 an awm dawn ta.

Nimin a he inthlan chuh tura hming pekluh theihna Ni hnuhnung berah khan Serchhip leh Hrangturzo bial chuh turin INC candidate, Pu Lal Thanhawla chuan Nomination a file a, heng bial 2-a Independent-a ding turin Lalawmpuia Renthlei, Serchhip Hmar Veng chuan nomination hi a file bawk a ni. Nimin vek khan Tuikum bial chuh turin INC Candidate, Pu K. Lianzuala chuan Nomination hi file in Hrangturzo bial JMP hminga chuh turin F. Remkhuma chuan Nomination a file bawk. Heti hian Serchhip District chhunga Assembly bial 3 chuh tur hian Candidate 12 an awm dawn ta a, INC, MDA leh ZNP te chuan heng bial te hi chuh \heuhin JMP chuan bial khat (Hrangturzo) an chuh bawk a, Independent Candidate pakhat awmin hei hian Serchhip leh Hrangturzo bial a chuh ve ve dawn thung a, hei vang hian Candidate hi mi 10 an ni thung a ni. Heng mite Nomination paper hi Vawiin hian enfiah nghal a ni dawn a, Nomination paper pawm te tan hian karleh Thawh-\anni (11th Nov. 2013) thlengin inhnuhdawn leh theihna hun hawn a ni ang.