Thla 6 chhungin thisen Unit 11,636 pe

Thla ruk chhungin Mizoram-a a thlawna thisen pek zat chu Unit 11,636 a ni.

He thu hi tunhnaia Association for Voluntary Blood Donation (AVBD) \hutkhawm neih ah tarlan a ni a, he huna tarlan a nih dan chuan Mizoram-a Blood Bank 10-a sorkar kum kal meka kum chanve chhunga thisen pek zawng zawng Unit 11,636 zinga Unit 11,095 chu a thlawna pek a ni a, hei hi za-a 95.35 a ni a, Blood Donation Camp \um 217 neih niin, Camp a\angin Unit 9,303 hmuh a ni. National AIDS Control Organisation (NACO)-in kumina Mizoram tana Voluntary Blood Donation-a target a siam chu za-a 98 a ni a, hei hi tun dinhmunah chuan tlin a la ni rih lo a ni. Blood bank 10 zingah blood bank parukin za-a 90 chunglam an tlin thei a, Lunglei Civil Hospital, Serkawn-a Christian Hospital, Saiha District Hospital leh Mamit District Hospital-a Blood Bank-te chu za-a 90 la tlin lote an ni. Hetihlai hian JN Hospital Serchhip Blood Bank-ah chuan kumin January thla a\anga October thla thleng khan thisen Unit 696 pek a ni tawh thung a, hemi chhung hian a huhova thisen pekna hun, Blood Donation Camp \um 17 buatsaih tawh niin hetah hian mipa 459 leh hmeichhia 147, an vaiin mi 606 ten thisen hi pein midang 59 ten Blood Bank-ah kalin anmahni in thisen hi an pe bawk a, hemi hun chhung vek hian Blood Bank-a thisen rulhna tura thisen pe mi 31 an awm bawk