M izoram Assembly inthlanna tun thla ni 25 a neih tur atan Tripura relief camp-a Bru vote thlak thei awm te chuan tun thla ni 19 leh 20-ah Postal ballot hmangin an camp-ah vote an thlak dawn.
Vote thlak turte hi Assembly bial 9 a vote neite an ni a, vote thlak tir dan tur chungchangah hian Zirtawpni khan Election Commission of India leh Mizorama Election thu-neitute chuan Video Conferencing hmangin thil sawihho ngaite an lo sawiho tawh a, Camp hrang hrang 6-ah te hian Nodal Officer 1 \heuh dah a ni anga, Assembly bial 9 a vote thlakna tur siam te chu ARO pakhat zelin an vil dawn a ni. Venhimna siam dan tur leh Tripura sorkar in Polling Official te an \anpui dan tur pawh ruahman fel vek a ni tawh a, Election Department hotute sawi danin, Bru Camp 6 atan hian Assembly bial tin tan 'Desk' siam \heuh tura a ni a, heng Desk vil tu tur Desk officer 2 \heuh ruat an ni bawk. Camp hrang hranga vote nei zat a in an loh avangin Desk awm zat hi a in ang lo dawn a ni.
Tripura Bru camp 6 a inthlana atan hian Polling Officials te hi tun thla ni 15 vela Aizawl an chhuahsan beisei a ni a. Venhimna pawh Mizoram sor-kar ruahman tur a nia, Tripura sorkar chuan Polling Official te thlenna tur lo ruahman sak anga, Polling Station tinah inthiarna an siam anga, \anpui an ngaihna apiangah a \anpui dawn bawk a ni. Tarlan tawh angin, Chief Election Commissioner VS. Sampath chuan Tripura Bru Camp-a Mizoram Bru awmte vote thlakna ah nihna chhan hi kum 1999 a High Court Order ken-kawhna a ni, a ti a, thlak chhunzawm tir zel an ni dawn em tih zawhna pawh chhangin hemi chungchang hi chu ECI thu ni lovin, Union Home Ministry thu a ni, a ti bawk.
Comments
Post a Comment