Mizoram-a Party President te sum dinhmun tarchhuak.

Mizoram a Political Party pali MPCC, MNF, MPC leh ZNP President te zingah Congress President Lal Thanhawla’n rosum a ngah ber a, Zoram Nationalist Party President Lalduhoma’n a nei tlem ber thung.

Nov. ni 25-a MLA in-thlanpui lo awm turah candidate ten an rosum neih affidavit hmanga an puanzar a\anga a lan danin, Serchhip leh Hrangturzo biala ding kawp tur MPCC President Lal Thanhawla hian sum fai Rs.89,86,246.50 a nei a, heng te hi kuta a kawl mek cheng nuai 8 bakah Bank hrang hrang SBI, Axis, Vijaya, MUCO, Canara leh HDFC Bank-a a dah te an ni. Lal Thanhawla (71) hian ram/In nuai 700 hu a nei bawk a, a nupui Lal Riliani'n sum Rs. 85,59, 733.69 leh ram cheng nuai 40 hu a nei bawk. Aizawl West I leh Kolasib biala ding kawp tur ZNP President Lalduhoma (64) s/o Vaisanga (L), Chawlhhmun Veng chuan sumfai cheng nuai 9 neiin motor 2- Ford leh Gypsy a nei a, a thilneih hlutzawng hi cheng nuai 16.3 a ni. Chawlhhmun ah In hmun cheng nuai 150 man hu leh Sihhmui ah ram Acre 2.80-zau a nei bawk a, a nupuiin pawisa cheng nuai 4.6 a nei bawk. Party President-te zinga rosum nei tlem ber a ni.
    Kum 10 zet Chief Minister lo ni tawh, tuna MNF President Zoramthanga (69) Ramhlun Venglai pawisa neih zawng zawng chu Rs. 12,10,000/- a ni a, motor pahnih cheng nuai 23 a hlu neiin, a thilneih hlut zawng chu cheng nuai 35 a ni. A nupui Roneihsangi'n sum leh thilhlu dang Rs. 2,12,383 a nei bawk. Zoramthanga hian Chatlang ah In nuai 95 hu bakah ram nuai 6 hu a nei a, a nupui Roneihsangi hian Ramhlun Venglai-ah in cheng nuai 80 hu a nei bawk. Zoramthanga hi tun \um inthlanah hian East Tuipui bialah a ding ang. Aizawl East-I biala ding tur MPC President Lalhmangaiha Sailo (63) chuan sum fai Rs. 3,49,780/- leh fixed deposit-ah Rs.13,49,790/- a nei a, lirthei Bolero 1 neiin, Mutual Fund-ah Rs. 29,50,645 a nei a, a nupui in sumfai nuai 5 bakah fixed deposit-in nuai 50 a nei bawk.