Mizoram Sports Awards sem a ni

Kum 2022 May thla leh kumin (2023) May thla inkara Mizoram a\anga infiammi leh infiamna kaihhnawiha che\hate hnenah ‘Mizoram Sports Awards 2023’ hlan an ni.

He chawimawina hi nizan hmasa khan Dawrpui Multipurpose Hall-ah sem niin Category 10-ah Award hi sem a ni a, Sportsman of the Year Award chu Lallianzuala Chhangte (Football) hnenah hlan niin Sportswoman of the Year Award chu Lalremsiami Hmar (Hockey) hnenah hlan a ni a, heng chawimawina hian Rs. 1,00,000/- bakah thuziak a kengtel a ni.

Tun \umah hian Best Performing Sports Association of the Year Award chu Mizoram Football Association (MFA) hnenah hlan niin Sports Team of the Year Award chu 47th National Sub-Junior Basketball Championship-a Champion Mizoram Basketball Boys' Team hnenah hlan an ni a. Most Promising Sportsman of the Year Award chu H.Lalthazuala (Badminton) leh Most Promising Sportswoman of the Year Award chu Lalrindiki (Hockey) te hnenah hlan an ni bawk.

Heng bakah hian Sports Person of the Year among Person with Disabilities Award chu Nicky Chhakchhuak (Carrom) hnenah hlan a ni a, Sports Promoter of the Year Award chawi-mawina chu LV Lalthantluanga, Zonet Cable TV Private Ltd. hnenah hlan niin Outstanding Mass Media for Sports Promotion Award chu LPS Vision Production hnenah hlan a ni a, Coach of the Year Award chu HC. Zarzoliana (Football) hnenah hlan a ni bawk.