Latest News

North Vanlaiphai tana tui lak hna thawh mek enfiah

Image
North Vanlaiphai khaw mipui tana tui thiang-hlim in tur lakna tura hnathawh kal lai mek, North Vanlaiphai Water Supply Scheme, Rawleihlawn Pumping chu tunhnai khan North Vanlaiphai Village Council leh North Vanlaiphai Joint YMA hruaitu ten a hmunah kala enfiahin, hna thawh tawh te tha an tih thu an sawi a, hna chak leh tha zawka thawk zel turin an ngen.

Lirthei chetsualna thlengah mi pakhat boralin IOC Veng-ah In pakhat a kang bawk.

Nimin chhun khan Serchhip-a 909 Truck pakhat chu Kei\um khawchhungah chesualin mi pakhat in nunna a chan a, nimin tlai khan Ser-chhip IOC Veng-a In pakhat kangin thi leh hliam erawh an awmlo thung.

    Nimin chhun dar 11:30 vel khan Pu Rohluma, Serchhip Chhim Veng ami Motor (909 Truck) chu Kei\um khawchhung ah chesualin he Motor-a chuang mi pakhat in nunna a chan. He Truck (Mz-06/2412) hi Pu Sanghmingliana S/o Rallianchhunga, Serchhip Vengchung ami khalh niin Pu Lalromawia leh Pu R. Lalhnuna, Chhiahtlang Kawn Veng ami ten Cherhlun khuaa Tanky siam hna an thawh tur a hmanrua (Cement leh Rod) dah tura kal a ni a, he hna thawk tur mi 6 leh Driver te hi chuangin Kei\um an luh tirh hian an motor chuanna Truck hi a break a fail a, Driver hian kopang chu suin Motor hi kawngpui ah a let a, he Motor body-a chuang Lalduhsaka (38), Pi Rosangpuii pasal, Chhiahtlang Kawn Veng chu a tlakna ah a ring ruh tliakin a boral zui nghal a, a ruang hi nimin tlai khan Postmortem niin Vawiin ah vuiliam a ni ang. He Motor khalhtu Sanghmingthanga leh he Motor a chuang, Lalruatmawia (18) s/o Biaksanga, Chhiahtlang Kawn Veng te chu JN Hospital, Serchhip panpui an nih hnuah Aizawl panpui tura tih an ni a, Sanghmingthanga hi a pum velah hliamin Lalruatmawia hian a Lu-ah hliam na tak a tuar a ni. He Motor a chuang dang Nicky Lallawmzuala (32) s/o R. Lalhnuna, Chhiahtlang Kawn Veng chu a ban ruh a tliak a, Lalromawia (58) s/o Lalnghingliana, Chhiahtlang Kawn Veng leh a fapa Lalramnghaka (20) bakah Zodinsanga (31) s/o Ram-nghinga, Chhiahtlang Kawn Veng te chuan hliam an tuarlo thung a ni. He Motor hian kopang a sut hma hian Aizawl leh Sangau inkara tlan Maxi Cab (Mz-03/7477), kawng-sir-a lo ding chu a veilam a taichhe nual bawk a ni.
    Hetihlai hian nimin tlai thimhlim dar 5:30 leh 6:00 inkar khan Serchhip IOC Veng-a DTO Office bula Pu PC. Thankunga, Serchhip AOC veng ami In, Hmangaih-zuali Steel Fabrication atana Pu Nati-a, IOC Veng ami ten an luahlai chu a kang bawk a. He Workshop-a hnathawk tam ber te hi chawlh hmanga an haw lai niin a hmunnghak, Abjal-a tia koh chiah  awm lai niin Workshop hnuaiah hian awmin \henawma chawhmeh lama a chhuah lawk hlana kangmei hi in\an a ni a, kangmei chhuah chhan tak hi hriat nilo mahse eirawngbawlna atana Stove thuk an hman a\anga in\an nia rin a ni. Kangmei a chhuak tih hriat a nih veleh FireDepartment ten kangmei \helh hna hi thawk nghalin Tui trip 7 zet an hman hnuah In dang kangkai lovin kangmei hi \helh mih a ni a, bungrua kangchhia hlut zawng hi hriat mai theih a ni rihlo a ni. Kangmei chhuak avang hian a thlanglam ram chu Sericulture Office ram thlengin nasa takin a kangkai a, kang\helh nan hian PHE Department in Fire Hydrant an siam ami Tui lak a nih bakah Pu Lalrindika, New Serchhip ami chuan 207 Truck hmanga a tui chawi lai a dah bawk a, heng te avang leh mipui \hahnem tak pungkhawm ten an puihna avangin kangmei nasa lutuk tur hi an veng thei tih Fire department a thawk te chuan an sawi a ni. Kangmei chhuahna hmun hi Pu Lalsangliana, Addl. DC leh Pu Vanlalrova, BDO te chuan thleng nghalin kangmei \helh hna thawh chhung zawng hian an telpui a ni.

Comments

Popular News (Last 30 Days)