Kumin a Fire Prevention Week hman dan tur sawiho.

Nimin khan Sub-Committee on Fire Prevention chu an Committee Chairman, Environment & Forests Minister Pu Lalrinmawia Ralte kaihhruaina hnuaiah \hukhawmin kumin a Fire Prevention Week hman dan tur chungchang an sawiho.

He \hutkhawm Environment & Forests Minister Pu Lalrinmawia Ralte Office Chamber-a neih hian kumin atana Fire Prevention Week chu February ni 21 a\anga ni 27 thleng hman turin State Level Committee ah chhawpchhuah nise tiin rel a. Kumdang angin March ni 15 aia tlai lovah lo hal tur a ruahmanna siam niin, rampum huapah tlai dar 3:00 hnu lamah chauh hal tura inhriattir ni se, tiin rel a ni bawk. Fire Prevention Week hawnna ah hian nikum 2013 a Fire Prevention lama District leh Village Level a ti\hate hnenah lawmman hlan ni se ti a rel a ni a. Meeting-ah hian District tin a kangmei laka inven kawnga ti\hate enfiah tur tlawmngai pawl hrang hrangte kal dan tur te siamfel niin, Awareness Campaign pawh kum dang aia ngawrh zawk leh uar taka kalpui rel a ni. Sub-Committee in a thu rel te hi Chief Minister hova State Level Fire Prevention Committee a \hut hunah enho leh a ni ang.