Latest News

Serchhip-ah Northeast Yatra for Lifestyle (Life) nei mek

Image
India hmarchhak State 8-a tun thla (November) chhunga neih tura ruahman Northeast Yatra for Lifestyle (Life) chu kar hmasa lamah Mizoram tana a hawnna hun hman a nih hnuin Serchhip District-ah pawh kalpui mek a ni a. He Yatra neih chhung hian mipuite hnenah tam zawk leh zau zawkin ‘environment’ humhalh leh venhim pawi-mawh zia zirtirna pek tura ruahman niin tunah hian In tin-a lut lawrin hemi chungchang inzirtirna neih a nih bakah thuziak te sem a ni a. Vawiin hian North Vanlaiphai-ah Mass Rally neiin hman khat daih Plastic thenfai hnatlang neih nghal a ni anga, naktuk-ah Govt. Serchhip College-ah hemi chungchang inzirtirna hi neih leh a ni ang.

Mau chungchangah sorkar chungah lawmthu an sawi.

Mizoram-a mau chingtu inzawmkhawm pawl leh a hralhna chungchanga hmalatu pawl te chuan Mizoram sorkarin Mizoram mau mimal ta hralh chhuah a phal sak avanga hlawkna an tel mek avangin sorkar chungah an lawm hle tih an sawi.
Mizoram Private Bamboo Plantation Owner Association leh Mizoram Bamboo Supply & Transporter Association te chuan thuchhuah in\awm siamin hemi chungchang hi an tarlang a, he an thuchhuah in\awm siam ah hian kum 2013 November thla tawp lam a\anga Mizoram sorkarin Mizoram mau mimal ta hralhchhuah a phal sak avangin kan ramah pawisa tam tak lo luang lutin mimal hmasawnna leh ram tana hmasawnna nasa tak hmuh tur alo awm ta tih an tarlang a. Mizoram Bamboo Industry Association ten Jan. 31, 2014-a thuchhuah siama Mau Permit tihtawp an duh thu leh thu belhchian dawllo hmanga Mizoram sorkar leh Environment & Forest Department te an puh chu pawi an tih thu tarlangin, MBIA President in chanchinbu kaltlanga E&F Department ten hnamdang hnena Mau Permit 149 pechhuak anga a sawi mai te chu Mau permit pekchhuah dan a hriat loh vangah an ngai tih an tarlang a, Mau permit pekchhuah a nih a\anga tun thlenga Mau permit pek tawhah hian hnamdang hming hmuh tur ala awmlo tih pawh an tarlang bawk.

Comments

Popular News (Last 30 Days)