Synod in MLTP Act 1995 hman zui zel an duh

Mizoram Presbyterian Church, Synod chuan thuchhuah siamin Zu khapna dan - Mizoram Total Prohibition act 1995 chu a \ul anga thuamchaka hman zui zel a duh tih a tarlang.

Nimin a an thuchhuah a tarlan anih danin MLTP Act hman anih a\ang khan khawlai chu a ralmuan thu te, mipui nun pawh a thiang-hlim phah nia an hriat thu te, Bible zirtirna a\ang leh Zu in mihring nun a tih khawloh theih dan ena thlah zalen chi a an ngaih loh thu an tarlang a. Thil \halo chi hrang hrang khawtlanga thleng \hin chu zu nena in zawm fo nia an ngaih thu leh kum 1994 a Synod Social Front zirchianna ah zu chu thihpui an tam thu te, hmeithai za a 65 chu pasal zu in \hinte thihsan an nih thu leh hemi avang hian fahrah an pung nia a lan avanga khuahkhirh chhunzawm zel chu ram leh hnam tan a him ber a an rin thu an tarlang a. MLTP Act chu a hlawhtlin zel theih nan theihtawp chuah \awng\aia t\n la turin kohhran mi zawng zawng an ngen thar thu an tarlang bawk. Hetihrual hian Mizoram Synod Executive Committee (SEC) vawi 250-na nimina Synod Office a \hukhawm chuan zu khap burna dan chu hlih emaw thlahdul emaw anih loh nan kohhran huang chhungah \awng\ai rualna neih nise an ti bawk.