Kumin March thla tawplamah E-District hman kim tum a ni.

Nimin khan Information & Communications Technology (ICT) Department hotute chuan an Minister, Pu Lal Thanzara hovin a Office-ah an department hmalakna hrang hrang an thlirho.

ICT hi kum 2008 khan Mizoram-ah ding \anin tunlai khawvel hmasawnna in a ken tel, a lova awm theih tawh loh Information Technology hmanga sorkarin chak zawka hna a thawh theihna tur kawng an dap a. Hmachhawp an neih an tihpuitlin tawh zingah Mizoram Revenue Deparment nena \angkawpin Land Record Computerization hlawhtling takin an kalpui tawh a, Property Registration-te pawh zawhfel niin Common Service Centre (CSC) pawh din a ni tawh a, Aizawl District bikah E-District Pilot Project hlawhtling taka kalpui a ni bawk. Ramchhung State hrang hrangte zingah Mizoram chu E-District Pilot Project kalpui chak ber a ni a, he Service hmang hian hmunpui pan kher ngai lovin khaw dang a\ang pawhin Income Certificate, Residential Certificate, Inner Line Permit, Tax Exemption Certificate, Housing Loan Clearance Certificate thlenga lakchhuah theih a ni tawh a ni. Kumin March thla tawp lamah E-District hi District dang pasarihah hman \an tum a ni a, State Data Center buatsaih mek chu March ah hawn hman tum a ni bawk. Hei hi hawn a nih hunah chuan Department hrang hrangin IT hmanga hmalakna hrang hrang an kalpui mek tihhlawhtlin nana hardware an mamawhte hmun dang a\anga lei kher ngai lovin he State Data Center a\ang hian a lak theih tawh dawn a ni.