Kum 2 chhungin Mizoram-ah Cancer vei 2483 hmuchhuak.

Mizoram Population Based Cancer Registry (PBCR) Report-2013 in a tarlan danin kum hnih chhungin Mizoram-ah Cancer vei 2483 hmuhchhuah niin Cancer vangin mi 1330 an boral.

Mizoram Population Based Cancer Registry (PBCR) hian Indian Council for Medical Research (ICMR)-in an chutchhuah a\anga kum 2013-a report-a tihchhuah a\anga a lan danin kum 2 chhungin Mizoram-ah Cancer vei mipa 1376 leh hmeichhia 1107, an vaiin mi 2483 hmuhchhuah niin hemi hun chung vek hian Cancer vanga thi mipa 798 leh hmeichhia 532, an vaiin mi 1330 an awm bawk a, Mizoram a mipa Cancer hluar zual 5 te chu - Stomach (pumpui)-23.5 %; Oesophagus (chawdawt)-14.5 %; Lung (chhuap)-13.9 % leh Hypopharynx (hrawk hnuai)-4.7 % te niin Mizoram-a Hmeichhia Cancer hluar zual 5 te chu-Lung (chhuap)-16.9 % Stomach(pumpui)-13.7 %; Cervix (chhulhmawr)-13.2 %; Breast (hnute)-11.2 % leh Oesophagus (chawdawt)-4.1 % te an ni a. India ram PBCR hrang hrang khaikhinna, mihring awm zat a\anga chhutin Mipa Cancer zawng zawng belhkhawm ah te; Hmeichhe Cancer zawng zawng belhkhawm ah te; mipa leh hmeichhie pumpui Cancer ve ve ah te; mipa leh hmeichhie Chuap Cancer ve ve ah te; Hmeichhe chhulhmawr Cancer ah te; Mipa Thin Cancer ah te leh hmeichhe Hrawk chung Cancer ah te Mizoram chu a sang ber a ni bawk.