Kuthnathawktute chawikan dan tur enfiahin JICA mi ten Serchhip Mat phai an tlawh.

Mizoram sorkar nena thawkdun mek, Japan International Corporation Agency (JICA)-a mithiam pathum te chuan nimin khan Ser-chhip Mat phai tlawhin kuthnathawktute harsatna tawh hrang hrang an sawipui.

JICA a\anga Agriculture lama mithiam te hi Shingo Veno (Irrigation), T. Saisho (Paddy) leh K. Yamamolo (Horti) te niin nimin chawhma lam khan Zuangleng ram-a Irrigation Department Site Camp-ah helai Zau-a Water User Association te kawmin harsatna an neih te an sawipui a, kuthnathawktute chuan harsatna an tawh zingah Tui, Electric leh Link Road te anih thu sawiin, Tui lama harsatna an neih chu an harsatna nasa ber anih thu leh thlai chin uar zel kawngah pawh harsatna an neih thu an sawi a, hemi hnu hian heng mithiamte hian Mat lui thlang lam buh leh thlai chinna hmun te tlawhin Lumtui Zau Water Users Association hruaitute nen Zawlpui phai-a Agriculture Farm House-ah an inkawm leh a, leilet neitute chuan |hal laia tui duhtawk hman theiha siam an mamawh thu te, |hal laiin leiletah buh an chin theih nan Leilet hnuai thuk vak lo 6ft a\anga 20ft a thuka tui awm hman theiha hip chhuah theih an duh thu te, Leilet chu chhungkaw innghahna ber atan chuan rintlak ni tawh lova an hriat thu leh awm thei deuh chhungkua te chuan midang leilet enkawltu atan midang an rawih thin thu te, chhungkaw harsatna avangin leilet neitu engemaw zatin an leilet an hralh tawh thu te sawiin, Leilet a\anga Sangha thar thei turin hma an lak \an mek thu te pawh an lo thlen bawk a ni.
    Heng Japan mithiam te hi Pu Laldingliana, SE (Works & Design) leh Pu K. Hamlet, EE (Works) ten rawn hruaiin Pu Laldingliana Hrahsel, SDO (MI), Serchhip leh a thawhpui ten an lo dawngsawng a, Pu Laldingliana chuan JICA chu Japan sorkar in ramdangte \anpuina hna thawk tura a din anih thu leh India ram tana \anpuina pe nasa ber pawh an nih thu sawiin, kuthnathawktute chawikan nan leilung leh tui hmang \angkai turin Master Plan siam tur an nih thu a sawi a, Mizoram sorkar nen Oct. 17, 2013-ah inremna siamin thla 15 chhung Mizoram-ah hian an cham dawn thu sawiin, mithiam te hi mi 12 an nih thu leh Mizoram hmun hrang hrang fangin, thlai tharchhuah a tam theihna tur leh a hralhna tur thlenga buaipuitu tur an nih thu a sawi a, Aizawl-ah Office neiin an senso te pawh anmahni (JICA) intum vek tur a nih thu a sawi bawk. Heng JICA a\anga mithiam lo kal te hian nimin vek khan Lunglei panin Lawngtlai thleng an tlawhkual dawn a ni.