Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Serchhip thuthar thenkhat :

Housing Loan dil theih

@@ District Local Administration Officer, DLAO hnen a\anga thu kan dawn danin Housing Loan dilna hun hawn leh mek a ni a. Housing Loan dil duh tan District Local Administration Officer, Local Administration Department Office, Ser-chhip-ah Office hun chhungin dilna Form lakchhuah theih a ni a, Loan dil duhte tan February thla chhungin dilna hi thehluh theih a ni ang.
Congress inthlang dawn
@@ Rorellai Congress Party Ser-chhip Block chuan Vawiin chawhma dar 11:00 hian New Serchhip YMA Hall-ah hruaitu thlanna an nei dawn a, he inthlanna neih tur ah hian an hruaitu dinglai te chu chuhtu awm lova an tlin rin a ni a, hruaitu thar thlanna hi Aizawl District Congress Committee (AICC) hruaitu ten an rawn telpui dawn a ni.
Diesel man ti danglam
@@ Zirtawp zan zanlai a\ang khan Diesel man tih danglam a ni a, Mizo-ram-ah pawh rate thar siam nghal niin litre khat zelah Aizawl Rs.54.21; Vairengte-ah Rs.54.08; Champhai-ah Rs.54.32; Kolasib-ah Rs.54.12; Lunglei-ah Rs.54.21; Saiha-ah Rs.54.22 leh Serchhip-ah Rs.54.22 te a ni.
ZUALKO
@@ Nimin zing dar 10:30 vel khan Pi Vanchhingi (79), Sanghnuna nu, Serchhip Bazar Hnuai chu Sep-ticemia vangin a boral a, a ruang hi lumen a nih hnuah Vawiin hian vuiliam a ni ang.
DFDO dawr theih
X Serchhip-a District Fisheries Development Officer (DFDO) hna hun engemaw chen lo thawk tawh, Pu SP. Singh chu Aizawl-ah sawn a nih hnuah a aiawh tura tih, Pi Zonuntluangi chuan a hna hi rawn zawm fel tawhin a mamawh tan DFDO hi dawr theih reng a ni.

Comments

Popular News (Last 30 Days)