Mizoram chhimlam District 4 te tan Serchhip-ah State-Level Table Top Exercise neih a ni.

National Disaster Management Authority, Mizoram State Disaster Management Authority leh Serchhip District Disaster Management Authority te \angkawp buatsaihin Serchhip-ah State-Level Table Top Exercise-cum-Capacity Development Programme on Disaster Response neih a ni.

Mizoram chhimlam District 4 te tana buatsaih State-Level Table Top Exercise-cum-Capacity Development Programme on Disaster Response hi Serchhip DC’s Conference Hall-ah neih niin he Training Exercise hawng tu Pu Sangdingliana, Addl. Secretary DM&R chuan chhiatrupna lo thlen thulha chhanchhuah leh chhawmdawl hna thawk turin Mizoram State Disaster Response Force din anih tawh thu leh Mizoram Police leh IR Batallion hrang hrang a\angin mi 424 hnenah National Disaster Response Force kaltlanga Training pek an nih tawh thu sawiin, tunah hian mi 376 hnenah training pek leh thuai tura ruahmanna siam anih thu a sawi a, Mizoram rawn vil tur leh Mizoram pual liau liau tur National Disaster Response Force Company 1 pawh reilote ah Mizorama dah an nih dawn thu a sawi bawk a ni.
    Nimin a Table Top Exercise-cum-Capacity Building Programme hi Pu Lawmkima, MCS, SDO(Sadar) Serchhip chuan kaihruaiin Maj. Gen.(Retd.) V.K.Datta, Senior Consultant, NDMA pawhin Powerpoint presentation hmangin Chhiatrupna emaw, buaina lian tham engemaw a awm palh a Incident Response System kaltlanga hmachhawn dan tur te, ruahmanna siam dan tur te, Department hrang hrang hmalakna tur kalphung te leh thil pawimawh dang tam a tarlang a, March ni 10-15, 2014 ah India hmarchhak pum huap Mega-mock Exercise neih tur thu a sawi bawk. He hunah hian Serchhip District Bawrhsap Pi Juhi Mukherjee, IAS pawhin powerpoint hmangin Serchhip District Disaster Management Plan a tarlang a, a sawi zawh hian District dang a\anga District Bawrhsap aiawha kal ten anmahni District Disaster Management Plan \heuh nen khaikhinna hun an hmang bawk. Hemi hnu hian chhiat-rupna lo thlen thulha Police te inbuatsaih dan te, Health Department, Electicity Department leh Kang\helhtute chet dan tur leh lirnghing lo thlen thulha tlawmngai pawl te mawh-phurhna leh hma an lak dan ture zirho nghal a ni bawk. He training-ah hian Lunglei, Lawngtlai leh Saiha District a\angin DC leh SP aiawh bakah mi pawimawh bik te an tel a ni.