Latest News

Supplementary Nutrition Programme kalpui mek

Serchhip ICDS Project hnuaiah Supplementary Nutrition Programme chu kalpui mek a ni. ICDS Project hnuaiah Supplementary Nutrition Programme-ah hian Anganwadi Centre 100-ah ei tur tha item 15 sem thin niin Fortified Rice leh Wheat pawh sem thin a ni a. Nausen atanga naupang kum 6 ten hriselna tha an neih theih nan POSHAN Abhiyaan tha taka kalpui a nih bakah Nutri Garden pawh Anganwadi Centre 100-ah kalpui a ni a, heng huan-a an tharchhuah thlai te hi beneficiary te hnenah sem thin a ni.

MHIP Gen. Secretary hlui in FIR thehlut.

MHIP General Secretary hlui Lalbiakengi chuan amah chu thu diklo hmanga beih a ni tiin hemi chungchang chhuichiang turin Zirtawpni kalta khan Aizawl Police Station ah FIR a thehlut.
Hemi chungchangah hian Lalbiakengi chuan court in thiam a chantir vek tawh hnuah Mapuia Khatla inti chuan Aizawl nitin chanchinbu pakhatah a chungchang a ziah bakah ‘MHIP chungchanga thudik hailanna’ tih lehkhabu chu Kawlkulh ah copy 700 leh Champhai Sub-Hqrs. President In-ah copy 1000 an lo dah niin a sawi a. Mapuia phenah hian tute emaw an awm ngei ni a a lan avangin a ziaktu diktak hriat anih theih nan Police ah FIR a thetluh ta niin a sawi a. Mi \henkhat te thiltih dan chu amah puh hmingchhiatna mai bakah court zahlohna (contempt of court) nia a hriat thu a sawi bawk.

Comments

Popular News (Last 30 Days)