Zoram dinhmun chhe lutuk ah Congress in mawh an phur-MPC

Mizoram Peoples Conference (MPC) chuan thuchhuah siamin Zoram dinhmun chhe lutuk ta ah hian Congress Party chu a mawhphurtu ber a ni, an ti.

Hemi chungchanga nimin a thuchhuah an siam ah MPC Party chuan Chief Minister, Pu Lal Thanhawla’n Mizoram sorkar sum leh pai dinhmun a chhiat zia leh ‘2017-ah phei chuan kan buai hle ang” tih Feb. 26-a Synod hotute nen an inkawmhona a sawi thu tarlangin, heti taka dinhmun chhiaa sum leh pai leh hmasawnna kawnga kan awm naah hian a mawhphurtu ber chu Congress Party liau liau ni ah an ngai tih ah tarlang a. Mizoram a Congress-in sorkarna a siam apiangin huau huau leh sum leh pai \ullo taka senralna lamah an kal vak zel \hin nia tarlangin, sorkar sum renchemna lama hmalakna nei lova fimkhur lo taka an kal \hinna rah hi Zoramin kan seng chho zel zawk a ni, an ti a.
    Tun \uma sorkar (Ministry)-ah pawh Board Chairman hrang hrang ruat bakah Parliamentary Secretary pawh 7 ngawt a ruat leh tih tarlangin, heng te hian Minister of State tlukpui enkawlna an dawng vek nia tarlangin, anmahni enkawlna atan hian mipui pawisa tam tak senral a ni tih an tarlang a, hei bakah hian sorkar department hrang hrangah motor thar \ha ber ber chi lei thar a tam em em nia tarlangin, sorkar officer an nihna in a phu loh te thlenga motor kawl tir an tam em em bawk tih an tarlang a. “Central sorkar hian State-tin te hi kan phu tawk ang \heuh zelin kum tin pawisa min pe \hin a. Heng pawisa min pek te hmanga hmasawnna lama Mizoram kan kal chak theih loh bik lutuk ah hian vawi 5 lai sorkarna chelhtu Congress Party hian mawh a phur nasa ber a ni,” tiin an thuchhuah ah chuan an tarlang bawk.