A nupui leh a nupui laizawn chhutu inawkhlum in hmuh a ni.

Nizan hmasa dar 6:00 vel khan Lunglei District Lungsen Hmar Vengah mipakhatin a nupui leh a nupui laizawnnu tobohin a chhu a, a nupui laizawnnu hi nimin chawhnu khan a hliam tuar lovin a thi a, pawikhawihtu hi a inawkhlum zui bawk.

Pawikhawihtu hi kum 29 mi, Lalrinzuala a ni a, nizan hmasa dar 6:00 vel khan a Nupui Lalhunmawii leh anupui u Lalram-mawii te chu Tuboh in a chhu-a Lalrammawii hi a hliam tuarlo in nimin chawhnu dar 2:00 khan Lunglei Civil Hospital-ah a thi a, a nupui Lalhunmawii pawh hi nikhaw hreloin a la awm a, a dinhmun a \halo hle a ni. Hetihlai hian pawikhawihtu Lalrinzuala hi nimin chawhnu lam khan inawkhluma hmuh a ni bawk. Lalrinzuala te nupa hian fanu naupang te te pahnih neiin a nupui te inpui ah an khawsa a, an mahni hi Zu zuar nia sawi an ni. A nupui nen hian pawisa chungchangah an in hnialbuai a, Lalrinzuala hian Tuboh chuhin a nupui hi a chhu hmasa a, a nupui laizawnnu pawh hi a lu ah bawk a chhu zui leh a, a puzawn chhut leh a tum laiin \henawm khawveng an inrawlh hman tak avangin a tlanbo zui a, nimin chawhnu dar 3:00 vel khan Pawikhawihtu Lalrinzuala hi khaw daifem ramhnuaiah inawkhluma hmuh a ni.