Mizoram tana Lokayukta Bill duan sawihona neiin Assembly Session-ah pharh hman a nilo mai thei.

Law Minister Pu Lalsawta chuan Lokayukta chu a theih chin chinah langtlang thei ang bera tih a nih tur thu sawiin, Lok Ayukta chu \ul a tih apiang chhui tura thuneihna pek tum a ni, a ti.

He thu hi Mizoram-a Lokayukta kalpuina tura Draft Lokayukta Bill 2014 sawihona nimin a Secretariat Conference Hall-a neih ah sawiin Pu Lalsawta chuan Lokayukta chu a theih chin chinah langtlang thei ang bera tih a nih tur thu leh Lokayukta chuan suo-moto a a tih theihna tur siam tum a nih thu a sawi a, Lokayukta din turin sum sen a ngaih dawn avangin a \ha thei ang ber duan a \ul thu sawiin, he bili chungchangah hian sawiho theih leh inhnial theihna a tam avangin March thla a Assembly Session-ah pharh hman a ni lo mai thei tih sawiin, phuailuai taka dan siam ai chuan hmanhmawh loh \ha a tih thu a sawi bawk. He bill duan lailawkna a tel, Special Public Prosecutor Pu RC. Thanga chuan, Parliament-in a duan zulzui anga duan a nih thu leh Lokayukta Member turah Mizo te tan kawng an hawn thu a sawi a. Lokayukta chu Court anga mi tan tir thei leh Police anga mi man thei nia ngaihna awm chu a diklo tih sawiin, State \henkhat ah chuan sorkar hnathawk hremna tur siam a nih thu pawh sawilan a ni.
     He sawihona ah hian sawitu tam zawk chuan bill pharh tur chu a \hat tawk lohna lai an sawi tlangpui a, Lokayukta Member ruattu tur Selection Committee chuan sawi a hlawh a, kum 5 kalta a mi a chhui lo ang tih chuan sawiho a hlawh bakah thubuai thehluttu humhimna (protection of whistle blower) awm lo chungchang pawh sawi lan tam niin, hum-himna siamsak an loh chuan complaint thehlut ngam a awm an rin loh thu sawi a ni.