Doctor-a harsatna chungchang thlen
@@ YMA Sub-Hqrs. Serchhip-a hruaitute chu nimin khan Aizawl-ah kalin JN Hospital Serchhip-a Ha lam thiam Doctor leh Naupang lam Doctor awmloh avanga harsatna thleng chungchang Health Minister, Pu Lal Thanzara hnenah an thlen a, Minister hian a theih anga bawh-zui nghalin Health Director hnenah hemi chungchang hi thlen nghal a ni a, a hlawhtlinna hmuh ngei an beisei tih YMA Sub-Hqrs. Serchhip hruaitute chuan an sawi.
A thlawna inentirna
@@ JN Hospital Serchhip-a Mobile Medical Unit (MMU) hmangin tun thla ni 3 khan Sialsir khua ah a thlawna damlo inentirna hun buat-saih niin damlo 40 enin mi 12 te thisen leh zun enfiah sak an ni a. A hnu Feb. 5 khan Piler khua ah in-entirna hi buatsaih leh niin damlo mi 106 en an nih bakah mi 13 te thisen leh zun chu enfiah a ni bawk. Heng inentirna hunah hian Dr. Za-lianzela, MO hovin thawktute an kal a ni.
Gas buk tlinglo man :
@@ Serchhip-a Legal Metrology Department chuan nimin khan New Serchhip Venglai-ah eirawngbawlna Gas buk tlinglo bur 30 an man a, Gas phurtu hi Rs. 7000/- chawi tirin a buk tlinlohna hi Mizofed ten an chawitir bawk a, gas hi a man bithliahin mipui hnenah semchhuah a ni.
Assembly Session ko
@@ Mizoram Legislative Assembly 7-na chu a vawihnihna atan March ni 18, 2014 \angin an \hukhawm dawn a, hemi chungchanga hriattirna chu Larsap in January ni 30 khan a chhuah a ni. Planning Department hotute chuan tun \um Session-ah hian Mizoram budget pumpui pharh hman a nih rin a ni lo tih sawiin, vote on account-a budget hi pass anih rin a ni.
Comments
Post a Comment