Latest News

Kum 2013 chhunga Mizoram-ah lirthei chesual \um 114 chhinchhiah ah mi 97 an boral.

Superentendent of Police, Crime Branch in an chhinchhiah danin kum kalta (2013) chhung khan Mizoram-ah lirthei-a chetsualna \um 114 thleng ah mi 97 in nunna an chan a, mi 281 an inhliam bawk.
He thu hi Lirthei chetsualna lak ata fimkhurna a \ul zia inzirtirna Hapta ‘Road Safety Week’ hawnna inkhawm Aizawl-a Transport Conference Hall-a neih ah Parliamentary Secretary, Pu T.T.Zothansanga chuan a sawi a, he hunah hian Pu TT. Zothansanga chuan India rampum ah nitin Lirthei chetsual vanga thi chu chawhrual in mi 380 vel anga chhut a nih thu sawiin, hriattheih china chhinchhiah bakah hian khawi emawlai a chetsualna \hahnem tak te chu chhinchhiah an nihloh avangin kum khat chhunga lirthei chetsualna thleng chu a tam tham hle dawn a ni, a ti a. India rampum ang chuan nitin mi 380 hi Motor accident a vanga thi ziah an ni a, lirthei accident zinga zaa 25 chu Two-Wheelers niin boral zinga zaa, 20 chu Lirthei ke pahniha chuangte an ni a, kum 2011 a India rama Accident zirchiannaah chuan Driver ten Road Accident a za 77.5 ah mawhphurin kawng kal Mihring leh Thirsakawr khaltuten za a 3.7 mawh an phur a, kawng chhiat vanga Accident chu za ah 1.5 chauh an nih thu a sawi.
    Hei bakah hian Pu TT. Zothansanga chuan Motor a pung tual tual a,a khalhtute pawh an pung tual tual tih sawiin, ‘Motor khalh ah hian mahni mai ni lovin midang a nghawng thui thei hle a ni tih hriat a pawimawh a, kalkawng ah mahni chauh nilo midang pawh an awm tih hrereng chunga kan fimkhur tlan a pawimawh a, Rui chunga Motor khalh te, kumtling lova khal te leh Helmet khum lo a Lirthei ke 2 nei khalh te, chak tak taka tlante, thiam chiang lova lirtheih khalh chin te kan sim a hun tawh takzet a ni, a ti bawk.

Comments

Popular News (Last 30 Days)