Hmunphiah Royalty sawisel PCCF ngaihdam dil phut

Saipum khua a Hmunphiah ching-tute chuan sorkarin royalty, kg khat zelah Rs.7 a la \hin tih sawiin hei vang hian an hmunphiah te an hralh to theih loh phah niin an sawi.

Zirtawpni kalta a Aizawl chanchinbumi \henkhat ten an kawm naah Saipum khawtlang hruai-tute chuan sorkarin NLUP hmunphiah ah royalty kg khat zelah Rs. 3.50 leh ramhnuai (forest reserved) ami te kg ah Rs.7 zel lak tur a tih laiin NLUP a an tharchhuah ah pawh Rs.7 zel royalty a laksak \hin niin an sawi a. Royalty a san em avang hian an hmunphiah pawh an hralh to theihloh phah niin an sawi a, kum dangah chuan Forest department in survey te neiin NLUP tharchhuah leh ramhnuai ami te an thliar hrang a, mahse kumin ah chuan engmah an tilo niin a sawi bawk.
    Hetihlai hian AMFU General Hqrs. chuan thuchhuah siamin Hmun-phiah chingtute a\anga Royalty lak ah hian 30th Sept. 2013 khan AMFU leh Environment & Forest Department chuan inremna ziakin Hmunphiah Royalty-ah hian Re. 1 per Kg lak tur a nih thu leh Forest Reserve chhung ami anih chuan Rs. 7 per Kg zel lak tur a ni tih an tarlang a. Hetiang a nih laia he inremna palzuta Department lamin har-satna an siam chu an dem tak zet tih tarlangin, diklo taka Royalty an lak sak tawh te hi a rang thei ang bera pe let tura an phut bakah Hmunphiah ching tute pawh he inremna anga Royalty pe turin an hriattir a. Hetianga kuthna-thawktute dinhmun ngaihtuah leklo a harsatna hrang hrang siam saka inremna palzuttu PCCF, E&F chu 15th Feb. 2014 hma ngeia ngaihdam dilna siam tura an phut thu an tarlang bawk.