Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Zeng hri umbo beihpui thlak leh a ni

Zeng hri umbo tura hmalakna kal mekah nimin khan Mizoram pumah naupang kum 5 hnuailam te Zeng hri danna pek leh an ni.
Mizoram-a Zeng hri umbona tur hian naupang kum 5 chin hnuailam 1,29,000 te chu hri danna hi pek tur niin heng mite hri danna pekna tur hian hmun hrang hrangah hri danna pekna tur 1,298 siam a ni a, kumin a he hri danna pek thawhkhatna neih tawh ah hri danna pek tur za zela 99 vel pek an ni. Mizoram hmundangte rualin nimin khan Serchhip District-ah pawh Zeng hri danna pek beihpui thlak leh a ni a, Serchhip District-ah hian Zeng hri danna pekna tur Booth 29-ah naupang 2695 te hri danna pek tura ruahman niin nimin a hri danna pe lote hi an In-ah kal chilha pek leh tur a nih avangin a dawng tur chin te chuan an dawn kim beisei a ni a, kumin kumtir lama hri danna pek thawhkhatna neih ah khan mi 5 te erawh chuan hri danna hi an lalo thung nia thudawn a ni bawk.

Comments

Popular News (Last 30 Days)