Serchhip-a Chapchar kut hman dan tur sawiho a ni

Kumin March 7-a Chapchar Kut lo thleng tur chu Serchhip-ah pawh hman leh tura ruahman a ni a, he Kut hman dan tur chungchang hi nimin khan Serchhip-ah sawiho a ni.

Kumin a Serchhip-a Chapchar Kut hman dan tur chungchang sawihona, Serchhip DC’s Meeting Room-a neih hi Pu Lalsangliana, Addl. DC chuan kaihruaiin he Kut hmanna tur hian State Level Committee a\angin cheng nuaikhat ruahman a nih thu a sawi a, he \hutkhawmna a tel te hian he sum hmang hian he Kut hi hman tum nise tiin Serchhip P&E Veng-a Leisekawt khelmual-ah hman tur a ni ang; Kut lawmdan tur programme leh items zawng zawng chu Sub-Hqrs YMA, Serchhip in a ruahman ang a, Chapchar Kut hmanna tur pawisa pawh hi a vaiin an kutah hlan a ni ang. He hunah hian Sub-Hqrs. YMA hruaitute chuan sorkarin Serchhip-a Chapchar Kut lawmna prog-ramme an kuta a nghat \hin chu lawmawm an tih thu sawiin, kumdanga harsatna an tawh \hin dan te an sawi a, kum hmasa lamah pawh cheng nuaikhat a Chapchar Kut huaihawttu a an lo \an tawh thu leh, pawisa hi a tlem thu te, leiba an ngah phah thu te, inthlahrung tak chunga sorkar department hrang hrang hnena vehbur khawn a ngaih phah thu te an sawilang a ni. He \hutkhawmna a tel te hian kumin a Chapchar Kut hmanna tura Sub-Hqrs. YMA in rua-hmanna a siam te chu Chapchar Kut hman anih hma hun remchang hmasa berah Bawrhsap hovin ennawn leh nise tiin, Chapchar Kut hman zawh ah Review Meeting neih leh nise an ti bawk.