Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Zu khap burna dan thlahdul tumin hmalak mek zel a ni.

Excise Minister, Pu R. Lalzirliana’n a lo sawi tawh angin, Mizoram-a kum 19 chhung zet kenkawh tawh zu khap burna dan 'The Mizoram Liquor Total Prohibition Act' chu thlahdul hret tuma hmalak mek a ni.
Hemi chungchangah hain Excise Minister R. Lalzirliana chuan he dan siam\hatna tur duan lawk hi zawhfel a nih tawh thusawiin a hova ngaihtuah ho a ennawn leh phawt hnu-ah Law Department pawmpui tura thawn tum a nih thu a sawi a. March ni 18 a\anga \an tur Mizoram Assembly 7-na \hutkhawm vawi 2-na chhunga putluh hman hram tum a nih thu sawiin, Zu Khap burna dan hlipa zu zawrh a nih pawhin vantlang zu inna hmun ‘Bar’ erawh chu siam a nih loh tur thu a sawi a, he ruahmanna kalpui mekah hian sorkar term hmasa lama zu khap burna dan zirchiangtu Study Group-in sorkara report an thehluhte pawh \angkai taka hman a nih thu a sawi bawk.
    January ni 21, 1972-a Mizoram UT a nih hnu-a Legislative Assembly hmasa berin Mizoram Excise Act 1973 (ME Act '73) a siam a. He ME Act '73 hi a Rules te nen October 10, 1984-ah hman \an a ni. He dan hnuaiah hian Aizawl-ah sorkar phalnain zu dawr 10 leh Bar 4 a awm a. Lunglei-ah zu dawr 4 (pali) awmin Aizawl-ah zu wholesaler 2 an awm bawk. Mizoram chu February ni 20, 1987 ah State puitling a lo ni a. ME Act, 1973 chu \ha tawk lova hriat a nih vangin zu avanga harsatna awmte sukiang turin Legislative Assembly chuan dan khauh zawk Mizoram Excise Act 1992 a siam a. Mahse, he ME Act, 1992 hi hman zui a ni ta lo thung a. Zu khap burna dan, The Mizoram Liquor Total Prohibition Act 1995 leh Mizoram Liquor Total Prohibition Rules, 1996 chu February ni 20, 1997 ah hman \an a ni a. He dan hi Autonomous District Council 3-ah te chuan hman a ni ve lo a, he dan hi tlem tlema siam\hat zeuh zeuh a ni a, tun thlengin hman zui zel a la ni.

Comments

Popular News (Last 30 Days)