Loan te tham pechhuak zung zung turin ngen

Chief Minister Pu Lal Thanhawla chuan NABARD chu kuthnathawktute \anpui turin, loan te tham te te pechhuak zung zung turin a ngen.

Chief minister hian nimin khan Aijal Club-ah NABARD Mizoram Regional Office-in a buatsaih State Credit Seminar 2014 a hmanpui a a, he hunah hian Chief Minister chuan NLUP dawngtute an intodelh theihna turin awlsam zawka loan pe \hin turin Bank hnathawkte chu a chah a, kum 2012 leh 2013 inkar chhunga Priority Sector-ah Credit an pekchhuah chu zaa 7 in a pung nain, Policy Target chu an phalo hle tih a tarlang a, Credit Deposit Ratio pawh duhthu a sam lova, ramchhunga hemi lama an hmalakna chawhrual pha turin Credit Deposit Ratio hi an tihpun a \ul a ni, a ti a ni. Hei bakah hian Chief Minister chuan NABARD in ranvulhtu te, a bikin vawk vulhtute hnena Credit Linked Subsidy an pek \hin chu thil lawmawm tak anih thu sawiin, hetiang subsidy pek tam lamah ram pumah Mizoram chu pathumna a ni pha hial a ni, a ti. Micro Credit-ah Self Help Group (SHGs) te hnenah loan tam zawk pe \hin turin Chief Minister hian ngen bawkin, kum 2013 March tawp ah SHG 3063 te hnenah Bank hrang hrangin cheng vbc. 16 chuang an pek thu a tarlang bawk a, Kissan Credit Card (KCC) pawh uar zawka kalpui turin a chah bawk. Chief Minister hian Five Year Plan 12-na, kum 2012-2017 State Focus Paper a tlangzarh nghal a, State Focus Paper-a Credit Potential cheng vbc. 675 Priority Sector tana ruahman anih thu a tarlang a ni.